ይህ ድረ ገጽ ላንተ በረከት ሆኖአልን?



Results

የመልዕክቶች ማውጫ

እግዚአብሔር በአብርሃም ህይወት ውስጥ፤

ዘፍ፤12፤8

መሰዊያዎችን መስራት፤


የአብርሃምን ህይወት ስናይ ከእግዚአብሔር ጋር ያለውን የጠበቀ ህብረት እንመለከታለን፤አብርሃም መሰዊያን እየሰራ የእግዚአብሔርን ሥም ይጠራ ነበር፡፡ በርግጥ የተነገረን
መሰዊያ እንደሚሰራ ብቻ ነው፡፡ ለምሳሌ፤ ቤተመንግስትን ይሰራ እንደነበር አላነበብንም፡፡ በህይወቱ መጨረሻ ለባለቤቱ ሣራ መቃብር ሰርቷል፡፡ ነገር ግን በሄደበት ሥፍራ ሁሉ
መሰዊያ እየሰራ በህይወቱ የገጠመውን ሁሉ ከእግዚአብሔር ጋር ያዛምድ ነበር፡፡ አብርሃም ከሰራቸው መሰዊያዎች በስተጀርባ የህይወት ታሪኩን ዝርዝር ጉዳዮች ማውጣት
እንችላለን፡፡

አብርህም እግዚአብሔርን አመለከ፡፡ ከሁሉ የበለጠ ተግባሩ አምልኮ ነበር፡፡ ለምሳሌ በሚከተሉት ወቅቶች እግዚአብሔርን አምልኳል፤
  • ከግብጽ ሀገር ሲመለስ፤ (ዘፍ፤13፡2-4)
  • የተስፋይቱን ምድር ሥፋት ባየ ጊዜ፤ (ዘፍ13፤14-18)
  • እግዚአብሔር ተገልጦለት ስሙን ከአብራም ወደ አብርሃም በለወጠበት ጊዜ፤(ዘፍ 17፤3-5)
  • በቤርሳቤህ ከአቤሜሌክ ጋር ቃል ኪዳን ባደረገ ጊዜ፤ (Genesis 21, 33)
መሰዊያን መስራት ቀላል ሥራ አይደለም፡፡ ድንጋይና የድንጋይ ማጣበቂያ ያስፈልጋል፡፡ ነገር ግን እጅግ አስቸጋሪ የነበረው መሰዊያ በሞሪያም ተራራ ላይ የተሰራው ነበር፡፡ 
ይህንን መሰዊያ ሲሰራ ምናልባት የተሰበረው የጀርባ አጥንቱ ሳይሆን ልቡ ነው፡፡ ይህንን መሰዊያ ይሰራ የነበረው ለገዛ ልጁ እንደነበር ያውቅ ነበር፡፡ በእግዚአብሔር ዓይን
ፊት አብርሃም ልጁን መስዋዕት አድርጎ አቅርቧል፡፡ በጉ በዚያ ሥፍራ የተገኘው በአጋጣሚ አይደለም፤ እግዚአብሔር አዘጋጅቶት ነበር እንጂ፡፡

Read more: እግዚአብሔር በአብርሃም ህይወት ውስጥ፤

   

እግዚአብሔርን ባለማስቀደም የምንፈጥረው ትርምስ

ኤር 2፤1-37

በመጽሐፈ ኤርሚያስ ውስጥ በጠቅላላው ሦስት ታሪኮች ተከስተዋል፡፡

የመጀመሪያው ታሪክ ወጣቱን ኤርሚያስን ይመለከታል፡፡ ኤርሚያስ ከበድ ላለ ሥራ በእግዚአብሔር የተመረጠ ሰው ነበር፡፡

ሁለተኛው ታሪክ በእግዚአብሔር የተመረጠውን የእስራኤልን ህዝብ ይመለከታል፡፡ ከብዙ ዓመታት እግዚአብሔር ካልነበረበት አመራርና ጣኦት አምልኮ በኋላ እግዚአብሔር
በቃ አለ፤ ለኤርሚያስም በባቢሎናውያን የሚወረሩበትን መጥፎ ዜና የመተንበይ ሥራን ሰጠው፡፡

ሦስተኛው ታሪክ ራሱን እግዚአብሔርን የሚመለከት ነው፡፡ ልጆቹ ወደ አመጽ መመለሳቸውን አይቶ ልቡ የተሰበረ አባት፡፡

እግዚአብሔር በህይወታችን የመጀመሪያ ካልሆነ ራሳችንን እጅግ አስከፊ በሆነ ሁኔታ ውስጥ እናገኘዋለን፡፡ ይህም እግዚአብሔርን ባለመስቀደም የምትፈጥረው ትርምስ ነው፡፡
በእግዚአብሔር ለተመረጡት እስራኤላውያን ላይ የደረሰው ይኸው ነው፡፡

እነርሱም ከሌሎች ህዝቦችና ከሐሰት አማልክቶቻቸው ጋር መደባለቅ ጀመሩ፡፡ ከአይሁድ እምነት ውጭ ከሌሎች ህዝቦች ጋር በጋብቻ ተጣመሩ፡፡ በመጀመሪያ የሚቆጣጠሩት
መስሎአቸው ነበር፤ግን ተቆጣጠራቸው፡፡

ማስጠንቀቂያ 1 - እግዚአብሔር ካስቀመጠው ደረጃ ውጭ የሆነን ነገር መከተል ስትጀምር ለአደጋ በሚያጋልጥህ አዳላጭ ቁልቁለት ላይ ነህ፡፡

ኤርሚያስ የእስራኤልን ውድቀት እጅግ ከበድ ባለ ሁኔታ አጠቃለለ፤

"ነገር ግን ከፍ ባለው ኮረብታ ሁሉ ላይ፣ ከለመለመም ዛፍ ሁሉ በታች ለማመንዘር ተጋደምሽ " ( ኤር 2, 20ለ)

Read more: እግዚአብሔርን ባለማስቀደም የምንፈጥረው ትርምስ

   

እግዚአብሔርን የማመስገን ደስታ

ሉቃ 12, 32

ሉቃስ እንደ ማቴዎስ፣ ጴጥሮስ፣ወይም ያዕቆብ ከኢየሱስ ጋር የመሄድና የማውራት እድልን አላገኘም፡፡ እርሱ ወንጌልን ሰምቶ እና ስለ እግዚአብሔር ልጅ በቃል ብቻ
የሰማውን በጽሑፍ በመዘገብ እግዚአብሔርን ለመታዘዝ የወሰነ ሐኪም ነበረ፡፡ እርሱ ከአህዛብ ወገን የነበረ እና አይሁድ ያልሆኑት ሁሉ መረዳት በሚችሉበት ሁኔታ የወንጌልን
ታሪክ ስዕላዊ በሆነ መንገድ የጻፈ ሰው ነው፡፡

ለምንድነው ኢየሱስ "እናንተ አነስተኛ መንጋ የሆናችሁ አትፍሩ!" ያለው?

በሺህ የሚቆጠሩ ሰዎች ቃሉን ለመስማት፤ለመመገብ፤ ወይም ፈውስን ለማግኘት ይመጡ ነበር፡፡ ነገር ግን ጥቂቶቹ ብቻ ወደ እግዚአብሔር መንግስት ይገባሉ፡፡
እነርሱን ነው "አነስተኛ መንጋ" ብሎ የጠቀሰው፡፡

እግዚአብሔር ደስታን በኛና በልጆቻችን ያገኛል?
የመንግስቱ የሆኑት ይታመኑታል፡፡
እግዚአብሔር በእምነታችን ደስ ይለዋል፤ ዕብ11፤6: 'ያለ እምነት እግዚአብሔርን ደስ ማሰኘት አይቻልም!' ሮሜ 8፤8: '...በሥጋ ያሉትም እግዚአብሔርን
ደስ ሊያሰኙት አይችሉም!' እግዚአብሔርን ደስ ለማሰኘት የሚፈልጉ ሁሉ ክርስቶስና የቅድስናው ውበት ይጠብቃሉ፡፡ እግዚአብሔርን ደስ ለማሰኘት የሚፈልጉ ሁሉ
በቅድሚያ የእግዚአብሔርን መንግስትና ጽድቁን ይፈልጋሉ፡፡ እግዚአብሔርን ደስ ለማሰኘት የሚፈልጉ ሁሉ እግዚአብሔርን ለመታመን ፈቃደኛ ናቸው፡፡

Read more: እግዚአብሔርን የማመስገን ደስታ

   

ከሲኦል በቀጥታ የተጸለየ ጸሎት

ሉቃስ 16፤19-31
ይሁዳ 22-23
1 ቆሮንቶስ16፤15

ተልዕኮዎች ምንድን ናቸው?


ተልዕኮዎች ሌሎች ወንጌልን እንዲሰሙ በሙሉ መሰጠት ማገልገል ማለት ነው!

ራሴን ለእግዚአብሔር በማስገዛትና የሚቻለኝን ሁሉ በማድረግ ከኔ ጋራ ግንኙነት ያላቸው ሰዎች ወደ ሲኦል ለመውረድ እንዳይወስኑ ፍላጎት አለኝን?

ተልዕኮዬ ምንድን ነው?
ተልኬያለሁን? እግዚአብሔር የሰጠኝን ኃላፊነት ሙሉ በሙሉ ተቀብያለሁን?
ለምንድን ነው ክርስቲያኖች በተልዕኮዎች ውስጥ ንቁ ተሳታፊ መሆን የሚገባቸው?

1. ሁለት ትልልቅ ጥያቄዎች
የሰው ጥያቄ በመጽሐፍ ቅዱስ ውስጥ፡ 'እኔ የወንድሜ ጠባቂ ነኝን?' (ዘፍ 4፤ 9)
ራሱን ፍጹም ለማድረግ ሲል ይህንን ጥያቄ የጠየቀው ቃየን ነበር፡፡
ሁለተኛው ትልቅ ጥያቄ: 'ባልንጀራዬ ማነው?' (ሉቃ 10፤ 29)
የህግ አዋቂው ባልንጀራው ማን እንደሆነ አያውቅም ነበር፡፡
እያንዳንዱ ክርስቲያን እነዚህን ሁለት ጥያቄዎች መጠየቅ ይኖርበታል፡፡ ይበልጡኑ ጥያቆዎቹን መመለስ ይገባናል፡፡

Read more: ከሲኦል በቀጥታ የተጸለየ ጸሎት

   

የሐዋሪያው ጳውሎስ ግብዣ

ሐዋሪያው ቅዱስ ጳውሎስ (በኤፌሶን 5 መሰረት) በቅድስና ህይወት እንድንኖር ሊያበረታታን ከዚህ ቀጥሎ ወዳሉት ቦታዎች ይጋብዘናል፤

1. ቤተመቅደስ (ኤፌ. 5፤1-7)

ሐዋሪያው በቤተመቅደስ ውስጥ ጌታችን ኢየሱስ ያደረገልንን መስዋዕት ያስታውሰናል፤ ሐጥያት መጥፎና በእግዚአብሔር ፊት የሚገማ ሽታ ያለው ነገር ነው፤ (ኢሳ 3፤ 24)

በፍቅር የምንጓዝ ከሆነ ህይወታችን ህያው መስዋዕት (ሮሜ 12, 1-2; ፊል 2, 17) እና ለጌታም መልካም መዓዛ ያለው ሽታ (ዮሐ 12፤1-8) ይሆናል፡፡

2. ሜዳ (ኤፌ 5፤ 8-14)


ከዚያም ሐዋሪያው ጳውሎስ ፍሬ ሊያሳየን ወደ ሜዳ ይሄድና በብርሃን መመላለስ መንፈሳዊ ፍሬን እንደሚያፈራ ያስታውሰናል፤ (ገላ 5፤ 22-23)

በብርሃን ብንመላለስ ከጨላማ ጋር ህብረት አይኖረንም፤ (2 ቆሮ 6፤14-18)

Read more: የሐዋሪያው ጳውሎስ ግብዣ

   

Page 3 of 13

<< Start < Prev 1 2 3 4 5 6 7 8 9 10 Next > End >>
ጀምስ  ኤን. ስፐርጂን የሚከተለውን ጽፏል፡

"ሥራ ባንተ ምርጫ ነው፤ አገልግሎት የጌታ ጥሪ ነው፤ በስራ ክፍያን ትጠብቃለህ፤ በአገልግሎት እንድትሰጥ ይጠበቅብሃል፤ በስራ አንድን ነገር ለመቀበል ሌላ ነገር ትሰጣለህ፤ በአገልግሎት አስቀድሞ የተሰጠህን መልሰህ ትሰጣለህ፤ ሥራ
በአንተ ችሎታ ላይ ይመሰረታል፤ አገልግሎት ግን ለእግዚአብሔር በመገኘት ላይ ይመሰረታል፤ በአግባቡ የተሰራ ሥራ ምስጋናን ያስገኛል፤ በአግባቡ የተሰጠ አገልግሎት ለኢየሱስ ክብርን ያመጣል፡፡"

የዚህ አገልግሎት ዓላማ ለጌታችን ለኢየሱስ ክርስቶስ ክብርን ለማምጣት ነው፡፡

በዚህ ድረ ገጽ ላይ ያሉ መልእክቶችን ይዘት ሳይለውጡና ለአብ የሆነውን አገልግሎታችን በመጥቀስ መገልበጥ እና መጠቀም ይቻላል፡፡ እንዲሁም ለአድማጮችህና ለአንባቢዎችህ ይህንን መልእክት ያገኘህበት ድረ ገጽ፡
www.proword.eu እንድትነግራቸው ተጋብዘሃል፡፡ እርሱም ቃሉን ማወጅ ፤ ልጆችን በወንጌል የመድረስ አለም ዓቀፍ የመጽሀፍ ቅዱስ አገልግሎት ነው፡፡