Is this site a blessing to you?



Results

Abaana b’orugyero oru nibetenga butumwa ki?

1.Nibetenga kuhurira ahari Ruhanga.

Ruhanga niwe bukomooko bw’okujunwa. Abaana nibetenga kumanya Ruhanga n’oha n’eki akora. Abaana tibarikubaasa kwetegyereza obujunaanizibwa bwabo aha kibi batabandize kugira ekishushani kishoboorokire ekya Ruhanga.

Nikyo twegyeseza ngu:

- Ruhanga akakuhanga (Ebyakozirwe 17:23-29): noojunaanwa omu maisho  ge
- Ruhanga naagamba naiwe naaraba omuri Baibuli (1 Kor.3-4): noojunaanwa kumuhurikiza.
- Ruhanga n’orikwera kandi ohikiriire (Ebyakozirwe 17:31): ashemereire kukucwera orubanja.
- Ruhanga ni murungi kandi naakukunda (Yohaana 3:16): akataho okujunwa  ahabwawe.

2. Nibetenga kuhurira aha kibi.

Okwegyesa aha kibi nikyoreka ekyetengo ky’okujunwa. Ekibi n’ebirikukizaaruukamu bishemereire kushoboororwaho gye munonga kandi obwo kitairweho n’omutima. Nikyo twegyeseza ngu:

- Ekibi kyawe nikirwanisa Ruhanga (Zaaburi 51:4)     
- Ori omusiisi omu buhangwa (Efe. 2:3) kandi  n’omumikorere (Rom. 3:23).
- Ahabw’ekibi oshemereire ekiheneso kuruga ahari Ruhanga (Rom.1:18).

3. Nibetenga kuhurira ahari Yesu Kristo.

Okwegyesa ahari Yesu Kristo nikyoreka abaana omuhanda gumwe gwonka ogw’okujunwa. Abaana nibetenga kumanya Yesu Kristo n’oha n’eki akozire. Nikyo twegyeseza ngu:

- Yesu Kristo ni Ruhanga Omwana, omujuni omwe wenka. (Ebyakozirwe 9:20).
- Akakufeera (Ebyakozirwe 2:23,36,38).
- Akakuzookyera (Ebyakozirwe 2:24-32).
- Akatemba omu iguru ahabwawe (Ebyakozirwe 2:23-32).

4. Nibetenga kuhurira aha kweteisa n’okwikiriza.

Okweta abaana ngu baije ahari Kristo ni kikuru omu ngiri (Yohaana 6:37; Yohaana 1:12).
Nikyo twegyeseza ngu:

- Yesu Kristo naakweta ngu oije ahariwe (Mat.11:28).
- Nooyetenga kuhindukira Ruhanga okaruga omu kibi (Ebyakozirwe 2:38; 20:21).
- Oshemereire kwesiga Yesu Kristo kandi okamweheera kimwe (Ebyakozirwe 16:31; 20:21).

Omu kweteisa n’okwikiriza harimu okugarukamu kyarimwe okweta kwa Kristo: okw’obwengye, omutima n’encwamu. (Rom. 6:17).

Dr. Czeslaw Bassara ( This e-mail address is being protected from spambots. You need JavaScript enabled to view it ; www.proword.eu)

James N. Spurgeon akahandiika ati:

“Omurimo guri aha kucwamu kwawe; obuheereza buri aha kwetwa Kristo, Omu murimo n’oba noomanya ngu nooyakiira; omu buheereza noogarura ekyo ekibaire kyakuhairwe, Omurimo nigurugiirira aha kubaasa kwawe; obuheereza niburugiirira aha kubaho kwawe ahari Ruhanga. Omurimo ogukozirwe gye nigukuhimbisisa; Obuheereza obukozirwe gye nibureetera Kristo ekitiinisa.”

Obuheereza obu n’obw’okureetera Mukama waitu kandi omujuni Yesu Kristo ekitiinisa!