Is this site a blessing to you?



Results

Abarikushabira omu kuzimu

Luke 16, 19-31
Jude 22-23
1 Corinthians 16, 15

1.    Okutumwa omu kuheereza nikimanyisa ki?

Okutumwa omu kuheereza n’okuheereza n’okwehayo omu muringo gwona okwenda ngu abantu abandi bahurire engiri.
Nyine ekyetengo ky’okwehayo ahari Ruhanga omu muringo gw’okugira ngu nkore kyona ekirikubaasika okureebeka ngu abantu obu nyine nabo akakwate baagumirwa kutoorana kuza omuri gehena?

Obuheereza bwangye nibuuha?
Ntumirwe? Obujunaanizibwa obu nkwatsiibwe Ruhanga mbwakiire bwona? Ahabw’enki Abakristaayo bashemereire kwejumba omubuheereza?

2.    Ebibuuzo bibiri bikuru.

Ekibuuzo ky;omushaija omwe omu Baibuli, Ninye murinzi wa murumuna wangye ?’’ (Okutandika 4:9). Kaini owaabuurize ekibuuzo eki  akaba naagyezaho kweyihaho orubanja.
Ekibuuzo kikuru ekindi n’eki, ‘’mutaahi wangye n’oha?” (Luka 10: 29)
Omunyabiragiro ogu taramanyire mutaahi we n’oha.
Omukristaayo weena naayetenga kubuuza ebibuuzo ebi kandi obwo nitwetenga n’okubigarukamu.

3.    Okuzengyerera okuri okuzimu.
Okuzimu eijwire abantu barikucura nibetenga ab’okubabuurira engiri. Okuzimu n’omwanya  ogurundaaniirwemu abo abaayangire Ruhanga  kandi bakaza omu magara agatahwaho bataine Ruhanga , Nibamanya buzima eby’amagara g’omwoyo kwonka batuura bataine Ruhanga.

Abakristaayo abaingi nibashoma Baibuli kandi bashaba bati; “Ntuma, reeba ndi aha,” kwonka nabwo babura eki baakora aha kutumwa omu kuheereza kandi bahurira bamazirwe n’entuura yaabo.Okwetwa kwa Makedonia omu Byakozirwe Entumwa nikukwata aha Bakristaayo b’ekyaasha eki ekya makumi abiri na kimwe (21st Century)?

4.    Emibaro.
Emibaro neeyoreka ngu obucweka bushatu (3%) ahari igana nibo bari omu buheereza.
Ab’eishemwe nibashashura esente aha by’okurya by’embwa hamwe n’enjangu zaabo okukira omu buheereza.
N’eky’okutaangaaza munonga ngu abantu nibeeyongyerera kimwe kuza okuzimu.
Ow’eishemwe wa butoosha ow’omu kanisa y’engiri tarikubaasa kuha nangwa obujurizi bukye ahari Yesu Kristo.
Baibuli n’ekitabo ekirikukirayo kushomwa omu nsi kwonka
Abakristaayo tibarikushoma nangwa n’eshuura nk’ishatu omu sabiiti emwe.

5.    Okworekwa.
Abakristaayo abamwe bashemerereirwe munonga okuza omu iguru baahika n’ahakwebwa abo abarikuza gehena.
Abakristaayo nibetenga kugira okworekwa. Okworekwa okwo nikwo kuraatuhwere okushaba hamwe,n’okusiiba n’okuhayo amagara gaitu ahabw’okujunwa kw’abo ababuzire. Okworekwa ahabw’ abantu ababuzire kushemereire kutandikira omu maka g’Abakristaayo kandi n’enshaho zaitu hamwe n’empiiha ezi twine omu makanisa g’erizooba.
Okutumwa omu buheereza nikyo kyonka ekirikutuhiga narishi nitukunda ngu twekingize ebisiika by’amakanisa gaitu gatakuzire.

6.    Entuura eri omu nsi.
Ahari buri Bantu 100 abariho er’izooba 66 aharibo tibakahurirahoga ahari Yesu Kristo.
70    aharibo n’abatari bajungu.
57    n’aba Asia.
21    n’aba Bulaaya(Europe).
70    tibarikubaasa kushoma.
50    aharibo nibaraarakwo.
1    aharibo naayehimbisa ahabw’eby’emishomo ye mingi.
40    aharibo n’abaana abarikwakiira engiri.
6    aharibo baine obucweeka 50 aha butungi bw’ensi.
2    aharibo n’abarikushuuma okuzimu nangwa n’erizooba.

Embariira ezi zoona tiziine makuru twaba tutahurikiize Omwoyo orikwera! Naayenda        ngu akorere omuriitwe!

7.   Entebeekanisa ei Ruhanga ainiire Abakristaayo.
Okweyongyera kushaba n’okukorera kimwe obuheereza, Nitwetenga kugira ebibuuzo bimwe ebi twayebuuza:
Ekanisa yaitu ekaasusire eta abantu boona abagirumu kubaakubaire baine omwete   nkw’ogwangye?
Ekanisa yaitu ekaasusire ata abantu boona abagirimu kubaakubaire nibahayo munonga   nkanye?
Ekanisa yaitu ekaasusire ki abantu boona abagirimu ku baakubaire nibashaba nkanye?

Nimbaasa kweshumbyaho okukora?
Nimbaasa kweshumbyaho okuhayo?
Nimbaasa  kweshumbyaho kushaba?
Teekateeka ahari abo abu oribugana omu iguru, abo abu waagambiireho Mukama kandi abu waahikize aha Mujuni.
Mbwenu nu Atari iwe, naaba oha?
Kandi ahatari aha, nihaba nkahi?
Nari ahatari hati, niryaari?

James N. Spurgeon akahandiika ati:

“Omurimo guri aha kucwamu kwawe; obuheereza buri aha kwetwa Kristo, Omu murimo n’oba noomanya ngu nooyakiira; omu buheereza noogarura ekyo ekibaire kyakuhairwe, Omurimo nigurugiirira aha kubaasa kwawe; obuheereza niburugiirira aha kubaho kwawe ahari Ruhanga. Omurimo ogukozirwe gye nigukuhimbisisa; Obuheereza obukozirwe gye nibureetera Kristo ekitiinisa.”

Obuheereza obu n’obw’okureetera Mukama waitu kandi omujuni Yesu Kristo ekitiinisa!