Is this site a blessing to you?



Results

Aha bigyere bya Mukama waitu Yesu

1.   OKUSAASIRWA EBIBI – LUKA 7:38

Omufarisaayo n’obu araabe niwe yaayetsire Yesu omu ka ye, tarashutamire aha bigyere bye.  Akaba naayenda ngu ashutame nawe aha meeza.  Omukazi akaba ateetsire Yesu omuka ye (obundi  akaba ataine eka), kwonka akaba naamanya oburemeezi bwe buhango; ekibi.  Akamanya ngu naayetenga okusaasirwa ebibi bye.  Akaba areetsire ebibi bye aha bigyere bya Mukama waitu Yesu.

MUKAMA WAITU YESU NI RUHANGA ORIKUSAASIRA EKIBI !

 

2.   ENYEGYESA EHIKIRE - LUKA 10: 39

Mariamu akamanya ngu ashemereire kwega.  Mariza niwe yaayakiire Yesu omuka yaabo omuri Besania, kwonka Mariamu niwe yaashutamire aha bigyere bya Yesu.  Okwega nikwetenga okutamu amaani.  N’ekya buzima Mariamu tiwe yayetsire Mukama waitu Yesu, Kwonka akeetooranira omwanya omurungi munonga aha bigyere bya Yesu! Gukaba guri omugabo murungi (Luka 10: 42).

MUKAMA WAITU YESU NI RUHANGA OW’AMAZIMA, ORIKUTUMANYA KANDI ORIKUTUKUNDA.

3.  OKUHUUMURIZA – YOHAANA  11:32

Mariamu akashaasha ahabwokufeerwa munyanya Lazaaro .  Tareeteireho munonga kuza aha kituuro n’obu Abayudaaya baraabe baateekateekire ngu akazayo.  Akeetegyereza ngu akaba atarikubaasa kutunga okuhumurizibwa kuruga aha Bantu abaabaire baine ebizibu byabo.  Mariamu akaba yatooraine omwanya oguhikire, aha bigyere bya Yesu.  We wenka niwe arikubaasa kureeta okuhuumuriza.  Omu mwanya gw’obusaasi n’okushoberwa Yesu  akareeta okushemererwa omu mutima gwa Mariamu.

MUKAMA WAITU YESU NI RUHANGA ORIKUTUFAHO OMU BIHIKIRIZI BYAITU.

 

4.  AMAGARA G’OMWANA – LUKA 8:41

Okufa kw’omwana kukatuma Yairo yaaza kusherura Yesu.  Akamubona yaajuumara aha bigyere bye.  Akeetegyereza ngu tihariho omuntu weena owaabaire naabaasa kuheereza  omwana we amagara.  Yairo akahamya amazima ngu abaana abataine Yesu nibaba bafiire.  N’obu abaana baakukundwa abazaire baabo munonga bakagira  n’omwoya  gw’okwitsya, bakagira amaju g’okutuuramu, ebijwaro, n’ebyokurya, nibetenga Yesu. Yairo akamanya ah’okutwara oburemeezi bwe bw’omwana we ofiire.

MUKAMA WAITU YESU NI RUHANGA ORIKWENDA NGU ABAANA BOONA BAGIRE AMAGARA.

 

5. OKUSIIMA – LUKA 17:16

Ababembe ikumi bakabugana Yesu kandi buri omwe yaahurira Rukundo ya Ruhanga omuriwe.  Boona bakashemezibwa ebibembe bakagaruka baagira amagara agahuriire.  Omwe wenka aharibo, Omusamaria akeetegyereza ou yaabaire ashemereire kusiima. Akagaruka yaajuumara aha bigyere bya Yesu.  Eky’okutangaaza omwe wenka niwe yaagarukire, omwenda tibaragarukire.  Omusamaria ogwo akagarurwa busya kabiri eby’omubiri n’omwoyo. Okusiima kwe kukooreka omutima gwe.

MUKAMA WAITU NI RUHANGA OU TUSHEMEREIRE KUSIIMA

 

6. OKUSINGURA OKUTIINA – OKUSHURUURWA 1:17

 

Entumwa Yohaana ku yaareebire Yesu ari omu kitiinisa kye, akahurira yaagira okutiina.  Akaba naamanya Mukama Yesu, akaba yaagyenzireho nawe, Akaba aramuhuriireho naayegyesa, akaba aramukwatsireho.  Ku yaamureebire ari omu kitiinisa kye, n’emyaka ya bukuru  ei Yohaana  yaabaire aine akajuumara aha bigyere bya Yesu.  Akakimanya gye ngu Yesu ogwo niwe w’okubanza kandi ow’ahamuheru.  We akahunama ngu Mukama Yesu agambe.  Entumwa Yohaana n’eky’okureeberaho kikuru eky’omuntu orikuta amagara ge goona omuri Yesu.  Akeetegyereza ngu omwanya ogurikukira obukuru omunsi n’aha bigyere bya Yesu.

MUKAMA WAITU YESU NI RUHANGA, OSHEMEREIRE AMAGARA GAITU GOONA N’OKUHEEBWA EKITIINISA.

 

Dr. Czeslaw Bassara ( This e-mail address is being protected from spambots. You need JavaScript enabled to view it ; www.proword.eu)

James N. Spurgeon akahandiika ati:

“Omurimo guri aha kucwamu kwawe; obuheereza buri aha kwetwa Kristo, Omu murimo n’oba noomanya ngu nooyakiira; omu buheereza noogarura ekyo ekibaire kyakuhairwe, Omurimo nigurugiirira aha kubaasa kwawe; obuheereza niburugiirira aha kubaho kwawe ahari Ruhanga. Omurimo ogukozirwe gye nigukuhimbisisa; Obuheereza obukozirwe gye nibureetera Kristo ekitiinisa.”

Obuheereza obu n’obw’okureetera Mukama waitu kandi omujuni Yesu Kristo ekitiinisa!