Is this site a blessing to you?



Results

Bakatsigaho byona baamukuratira

Luka 5:1-11

Entebeeekanisa y’kubanza
Ruhanga ayeteekateekire kukwegyesa!
Yesu ku yaabaire ayemereire aha rubaju rw’enyanja ya Genesareeti, omutwe gw’abantu baingi gwamufunza kuhurira ekigambo kya Ruhanga. (Luka 5:1).

Ekyegyeso 1.
Ku ndabe nyeteekateekire kuhurikiza, Ruhanga ayeteekateekire kunyegyesa!

Entebeekanisa ya kabiri
Ruhanga ayeteekateekire kukworeka amaani ge!

Yaareeba amaato abiri gari aha nkungu y’enyanja; kwonka abajubi bagarugiremu niboozya obutimba bwabo. Yaaza omuri bumwe obwabaire buri obwa Simooni, yaamushaba kubwirizayo hakye kuruga aha nkungu. Yaabushutamamu yaayegyesa abantu. Ku yaaherize kugamba yaagira Simooni ati: Mwirire ahagati y’enyanja mutegye obutimba bwanyu. Simooni yaamugarukamu ati: Mwegyesa turaire nitutega ekiro kyona, twabura eki twakwatsa, kwonka ahabw’ekigambo kyawe, ka ntegye obutimba. Ku baakozire ekyo, baakwatsa eby’enyanja bingi munonga, obutimba bwabo bwayenda kucweka; nikwo kwetesa bagyenzi baabo engaro bari omu bundi bwato ngu baije babahwere. Baija baijuza amaato gombi, gaayenda kumirwa. (Luka 5:2-7).

Ekyegyeso 2
Ku ndabe nyeteekateekire kworoba, Ruhanga ayeteekateekire kunyoreka amaani ge!

Entebeekanisa ya kashatu
Ruhanga ayeteekateekire kukukoresa!

Simooni Petero ku yaakireebire, yainama aha maju ga Yesu, yaagira ati: Ndugaho Mukama wangye, ahabw’okuba ndi omusiisi.Ahakuba we na bagyenzi be boona bakatangaara ahabw’ebyenyanja bingi ebi ebi baakwatsire. Kandi Yakobo na Yohaana beene Zebedaayo abaabaire bakwataniise na Simooni ku, nabo baatangaara. Yesu yaaganbira Simooni ati: Otatiina, okuruga hati oryajuba abantu. Ku baahikize amaato gaabo aha nkungu, baatsigaho byona, baamukuratira. (Luka 5:8-11).

Ekyegyeso kya kashatu.
Ku ndabe nyeteekateekire kwecureeza, Ruhanga ayeteekateekire kunkoresa!

Ebyegyeso kuruga ahari Ruhanga:

Ku ndabe nyeteekateekire kuhurikiza, Ruhanga ayeteekateekire kunyegyesa!

Ku ndabe nyeteekateekire kworoba, Ruhanga ayeteekateekire kunyoreka ammani ge!

Ku ndabe nyeteekateekire kwecureeza, Ruhanga ayeteekateekire kunkoresa!

Dr. Czeslaw Bassara ( This e-mail address is being protected from spambots. You need JavaScript enabled to view it ; www.proword.eu)

James N. Spurgeon akahandiika ati:

“Omurimo guri aha kucwamu kwawe; obuheereza buri aha kwetwa Kristo, Omu murimo n’oba noomanya ngu nooyakiira; omu buheereza noogarura ekyo ekibaire kyakuhairwe, Omurimo nigurugiirira aha kubaasa kwawe; obuheereza niburugiirira aha kubaho kwawe ahari Ruhanga. Omurimo ogukozirwe gye nigukuhimbisisa; Obuheereza obukozirwe gye nibureetera Kristo ekitiinisa.”

Obuheereza obu n’obw’okureetera Mukama waitu kandi omujuni Yesu Kristo ekitiinisa!