Is this site a blessing to you?



Results

Ebirikukwata aha magara ga Dr. Czeslaw Bassara

1948 akazaarirwa Brzeszcze haihi na Oswiecim (Auschwitz) omuri Polandi omu ka y'abakristaayo.

1965 Akajunwa. Omu mwaka ogwo yaatandika obuheereza bw'abaana omuri Polandi. Akashoma kandi yaakorera omu kyanga ekya Oswiecim okuhitsya 1969.

1969-1974 akashoma eby'engiri ah'itendekyero ry'eby'engiri y'Obukristaayo omuri Waso (Warsaw), Polandi.

1972 yaashwera Helena. Akazaara abaana babiri, Bogdan (owaazairwe 1975) na Dorota (owaazairwe 1979). Bombi baine amaka kandi bakiri n'abakundwa baabo (Agnieszka na Konrad) kandi nabo niobakora omu buheereza bw'abaana (CEF).

1975 akahendera emishomo ye ey'ahaiguru (Masters Degree) omu by'engiri omuri Polandi.

1976 akamariira eitendekyero ry'obwebembezi bw'obuheereza bw'abaana (CEF Leadership Training Institute) omuri Kilchzimmer, Switzerland.

1969-1990 akatebeekanisa okubuurira abaana n'eminyeeto kandi yaatendeka abeegyesa n'abazaire omuri Polandi.

1982-1990 akatandikaho amakanisa  kandi yaayegyesa omu mashomero ga Baibuli n'ekanisa z'engiri omuri Polandi.

1991 okuhitsya 2006/2007 we n'omukazi we Helena bakaheereza nk'abeebembezi b'ekicweka kya rwagati n'oburugw'izooba bwa Bulaaya (Europe). Omu muringo gw'omutaano bakaba nibombeka obuheereza bw'abaana (CEF) omuri Russia n'ekicweka kya rwagati ekya Asia kandi n'okwebembera abeebembezi b'orurengo rw'ihanga omu mahanga makumi ashatu. Bakaba bari bamwe aha b'ekigombe kya Bulaaya (ekya European Field Council).

2000-2006 akashoma emishomo y'ahaiguru y'eby'engiri ah'itendekyero ry'engiri (erya Evangelical Theological Faculteit) omuri Heverlee/Leuven omuri Bubiligi (Belgium).

2006 akamarira kimwe emishomo ye y'ahaiguru munonga (PhD) omu by'engiri eshorongire (Systematic Theology): "Okushoboorora ebihandiikirwe omu busingye obu obw'obwengye n'oku engiri erikubigarukamu." (Postmodern Hermeneutics and the Evangelical Response).

2008 akatandikaho "okurangirira ekigambo!" nibwo buheereza bw'abaana omu nsi yoona obw'okwegyesa Baibuli (CEF International Bible Teaching Ministry).

Dr. Czeslaw Bassara naagamba: Orungyereza (English), Orugirimaani (German), Orurussia (Russian), Orupolishi (Polish) n'Orusiperanto (Esperanto).
Obuheereza bwe bw'okwegyesa Baibuli hati bumuhikize omu mahanga garikurenga makumi mukaaga aha bizinga byona.

Eky'ahamuheru, beisheemwe, mutushabire ngu ekigambo kya Mukama kibugye hoona juba, kandi aheebwe ekitiinisa, n'omur'imwe mwena. (2 Tes. 3:1).

James N. Spurgeon akahandiika ati:

“Omurimo guri aha kucwamu kwawe; obuheereza buri aha kwetwa Kristo, Omu murimo n’oba noomanya ngu nooyakiira; omu buheereza noogarura ekyo ekibaire kyakuhairwe, Omurimo nigurugiirira aha kubaasa kwawe; obuheereza niburugiirira aha kubaho kwawe ahari Ruhanga. Omurimo ogukozirwe gye nigukuhimbisisa; Obuheereza obukozirwe gye nibureetera Kristo ekitiinisa.”

Obuheereza obu n’obw’okureetera Mukama waitu kandi omujuni Yesu Kristo ekitiinisa!