Is this site a blessing to you?



Results

Ekigambo kya Ruhanga aharinye nikimanyisaki?

Eky’okureeberaho ky’ebigambo by’amazima ebi waahuriire ningamba, okikuratire omu kwikiriza n’okukunda ebiri omuri Kristo Yesu. (2 Timoseo 1:13).

1.Eky’okureeberaho ky’ebigambo by’amazima.
Ekigambo “eky’okureeberaho” omuri 1Tim.1:13 nikimanyisa “entebeekanisa y’omwombeki.” Okurugira kimwe aha kutandika kw’ekanisa ey’okubanza hakaba hariho enyegyesa eshoroongire. Ekaba eri ekipimo ahi enyegyesa yoona yaabaire egyezibwa. Timosseo akeehanangirizibwa okutahindura aha nyegyesa egi. Kuri yaabaire naaza kukikora, akaba naaburwa eky’okugyeresa abegyesa abo abu yaabaire naakora nabo. Itwe ab’omu kyasha kya makumi abiri na kimwe (21st century) nitwetenga kuhamira aha ki Entumwa Paulo yaayegyeise omu kyasha ky’okubanza (1st century). Omu kanisa ey’okubanza hakajanjaara enyegyesa erikwegamira embabazi zonka. Ekaba neegira ngu titwakiri hansi y’ebiragiro. Enteekateeka egi ekiriho n’er’zooba. Hariho bamwe, ngu turi omu mbabazi – beitu ti biragiro.
Nikigambwa ngu Endagaano Ensya ekozirwe omu “mabaruha ga rukundo” beitu ti mateeka. Abamwe nibanga eki beeta “eky’okureeberaho ky’enyegyesa!” Mbwenu ekigambo ngu “eky’okureeberaho ky’ebigambo by’amazima” tikirikworeka ngu hariho ekiragiro (reeba 1 Kor. 9:21; Gal.6:2), eki tushemereire kworobera?

2. Okikuratire!
Omu Magana g’emyaka agahingwire, omurimo gwa Ruhanga gutuura nigukorwa abantu abaayemereire bahamire omu bunaku bwabo bw’okugyezibwa. Kikaba nikiza kubarahukira kweshengyereza kwonka bakeemerera bahamire. Entumwa Paulo akaba ari omwe ahari abo abaabaire abatareeshengyereize. Ku yaabaire nairirira okufa kwe, yaayenda ngu agumye murumuna we omuri Kristo, Timoseo. Omuri 1Tim.1:11 nitushoma ngu Ruhanga akakwatsa Entumwa Paulo engiri y’ekitiinisa, kandi nawe ei yaabaire yaakwatsize Timoseo (1Tim. 6:20). Okurugiirira omuri 2 Tim. 1:13 bukaba obujunaanizibwa Timoseo “okukuratira” n’okurinda amazima ago ag’obuguzi bwingi, kandi n’okugakwatsa abandi (2 Tim. 2:2).

3. Ebi waahuriire ningamba.
Nitwikiriza ngu Omwoyo Orikwera n’Omwoyo w’amazima. Akakwatsa Timoseo amazima. Twine Omwoyo Orikwera omwe kandi hamwe n’amazima gamwe agarikuruga ahariwe. Titurikwikiririza mu Myoyo Erikwera ebiri. Kandi titurikwikiririza mu mazima abiri nari agarengire aho. Ruhanga akoohereza Omwoyo Orikwera we ngu atwegyese amazima. Kuri obuheereza bw’Omwoyo butariho, tukaabiire turi omu mwirima. Kuri tutamwine, tukaabeire tutarikwetegyereza ekigambo kya Ruhanga. Tushemereire kuguma turi ahansi y’okwegyesa kwe.(Yohaana 16:13). Naatubaasisa kurinda amazima kandi n’okugabagana hamwe n’abandi.

4. Okwikiriza n’okukunda.
Tushemereire kwetegyereza ngu enyegyesa ya Timoseo ekaba eri ey’okwegyeseza omu kwikiriza n’okukunda.Akaba ari ow’okugamba amazima omu kukunda, ahakuba nikwo Ruhanga yaabaire naayenda. Ruhanga takagambahoga mazima hatariho rukundo. Abaefeso 4:15 nihagira ngu “kureka tugambe amazima omu kukunda.” Ka nikirahuka okwehakanisa omu kuteeraho kwaitu kurinda okwikiriza. Ka nikirahuka omuhiigi w’omurogi ou omu mwanya gw’okubagana amazima, akashoboorora amazima omu muringo gwe gwa bwesherekye akareeta oburemeezi. Okuhendera omu bugufu enyegyesa y’okwihwaho orubanja n’amagara g’omukristaayo n’oku ngu “okwikiriza nikutuhindura abakama kandi okukunda kutuhindura abaheereza. Okwikiriza kushemereire kuguma nikureeberwa kandi kuhamiire ahari Mukama Yesu; (omu mazima agaijwire), ti kwikiriza okw’omu kanisa, nari omu mihanda endiijo ey’embabazi.”

5. Omuri Kristo Yesu.
Obukomooko bw’emigisha ey’omu iguru yoona eri omuri Kristo wenka. Okwikiriza nikyo kikwato ky’amagara ku gaba nigateeranizibwa omu bumwe bw’okujunwa  n’omucunguzi, Yesu Kristo. Eky’okureeberaho n’eki ngu: “Kandi ndeebwe ndi omuriwe, ntaine kuhikiirira okwangye ahabwangye okw’okuhitsya ebiragiro, kureka okuri omu kwikiriza Kristo, nikwo kuhikiirira okuruga ahari Ruhanga ahabw’okwikiriza.” (Abafilipi 3:9).        

Dr. Czeslaw Bassara ( This e-mail address is being protected from spambots. You need JavaScript enabled to view it ; www.proword.eu)

James N. Spurgeon akahandiika ati:

“Omurimo guri aha kucwamu kwawe; obuheereza buri aha kwetwa Kristo, Omu murimo n’oba noomanya ngu nooyakiira; omu buheereza noogarura ekyo ekibaire kyakuhairwe, Omurimo nigurugiirira aha kubaasa kwawe; obuheereza niburugiirira aha kubaho kwawe ahari Ruhanga. Omurimo ogukozirwe gye nigukuhimbisisa; Obuheereza obukozirwe gye nibureetera Kristo ekitiinisa.”

Obuheereza obu n’obw’okureetera Mukama waitu kandi omujuni Yesu Kristo ekitiinisa!