Is this site a blessing to you?



Results

Mukama Yesu. Niwe oha, n’eki arikukora?

(Okurugiirira omu kitabo ky’Okushuuruurwa 3:7-9).

Orurembo rwa Filadelufia.
Ekanisa ey’omuri Filadelufia ekaba ekoreire Ruhanga munonga okukira ekanisa endijo yoona aha makanisa mushanju agari omu kitabo ky’Okushuuruurwa. Ekanisa ekaba neeyesigwa omu kuheereza kwayo.Ekaba etuura eri haihi na Mukama kandi yo taragyomesereize, nangwa n’obu kwakuba okugamba ekibi kyayo. Okuhigwa kwayo kukaba kuri omu biro by’omu maisho. Ekaba n’eza kuraba omu rwigi orwo oru MukamaYesu yaabaire akigiiguriire?

Mukama Yesu - Omuhandiiki.
Omu Kushuuruurwa 3:7-13 Mukama Yesu akeegambaho omu ngamba eyaabaire neeyetegyerezibwa abo abaabaire nibaza kwakiira ebaruha.

1.    N’orikwera (Kush. 3:7)
Mukama Yesu akaba ari ohikiriire buzima kandi ataine kibi nari akamogo. Emitwarize ye ekaba ehikiriire. Okwera n’ekintu kimwe kikuru aha birikushoboorora Ruhanga.`Orikwera` n’eiziina rya Ruhanga rikuru ery’Ekiyudaaya. Omuri Isaaya 43:15 Ruhanga naagira ati:
‘Ndi Mukama, Orikwera wanyu,omuhangi wa Israeli, kandi Mukama wanyu.’ Tushemereire kureeba okwera kwa Mukama waitu Yesu nka Ruhanga. N’orikwera -n’ahabw’ekyo naayanga ekibi. Abatarikwikiriza nibetenga kumwemera akabaihaho oburemeezi bwabo bw’ekibi. N’orikwera-n’ahabw’ekyo abaikiriza nabo bashemereire kuba abarikwera.

2.    N’Ow’amazima (Kush. 3:7)
Mukama waitu Yesu niwe ari enyima ya buri kintu   kyona, ogwo orikwesigwa buzima kandi otahinduka. Naagira ngu " niwe ogwo Ow’amazima; omurugriika(anathenos), ekigambo ekyo nikimanyisa ekintu ekiri kwe, eky’oburinganiza kandi eky’amazima.Omuri Yesu nitushangamu amazima.Ku turi kumwekwatsa, nituhigwa amazima agahikiire kimwe. Yesu n’ow’amazima.Okuba ow’amazima nikimanyisa ngu ekigambo kyona eki yaagambire n’ekigambo kya Ruhanga eky’amazima kandi ngu endagaano yoona ei yaakozire eryahamibwa. N’ahabw’ekyo, nitubaasa kumwesiga ahabw’okutujuna,twahamira omuriwe. Nk’abaikiriza, nitwetenga kwetegyereza ngu eki Mukama waitu Yesu arikutugambira n’eky’amazima. Ku arikutuhiga "n’orwigi rwigwire orw’emigisha," nikimanyisa ngu nitubaasa kururabiramu kandi tukore eki arikwenda ngu tukore.

3.    Aine ekishumuuruzo kya Daudi (Kush.3:7).
Ebishumuuruzo nibyoreka obushoboorozi. Mukama Yesu aine "ekishumuuruzo kya Daudi."Ahandi honka ahi ekishumuuruzo kya Daudi kirikugambwaho n’omu kitabo kya Isaaya(Isa.22:20-23). Eliakimu akahebwa ekishumuuruzo ky’enju ya Daudi omu busingye bw’omugabe Hezekia. Ekishumuuruzo eki kikaba nikiigura enju ya Daudi, eyaabaire ebiikire eby’obuguzi bwingi byona eby’abagabe ba Yuda. Eliakimu niwe yaabaire aigura kandi akareeba weena owaataahamu n’owaashohora; n’owaabaire naahika omugabe Daudi weena. Niwe wenka owaabaire ari owa kabiri aha mugabe.Niwe yaabaire aigura kandi akakinga enyigi zoona.

4.    Akaba nabakunda (Kush. 3:9).
Mukama Yesu aketegyereza ngu abantu ba Filadelufia bakaba bari omu  mwanya gugumire.Yesu akaba naabendeza ekirikukira oburungi (Yohaana 16:27). Abo abaabaire nibatuura Filadelufia(rukundo y’abeisheemwe) bakaba bari abagaragwa ba rukundo ya Ruhanga. Rukundo y’amazima ey’abeisheemwe terikubaasika otabandize kwakiira rukundo ya Ruhanga. Abatarikwikiriza nibetenga kumanya ngu Mukama waitu Yesu akafa ahabwa rukundo.Aine ekyetengo ky’okujuna abasiisi ahabwa rukundo.(Yohaana 3:16; Rom.5:8).

Dr. Czeslaw Bassara ( This e-mail address is being protected from spambots. You need JavaScript enabled to view it ; www.proword.eu)

James N. Spurgeon akahandiika ati:

“Omurimo guri aha kucwamu kwawe; obuheereza buri aha kwetwa Kristo, Omu murimo n’oba noomanya ngu nooyakiira; omu buheereza noogarura ekyo ekibaire kyakuhairwe, Omurimo nigurugiirira aha kubaasa kwawe; obuheereza niburugiirira aha kubaho kwawe ahari Ruhanga. Omurimo ogukozirwe gye nigukuhimbisisa; Obuheereza obukozirwe gye nibureetera Kristo ekitiinisa.”

Obuheereza obu n’obw’okureetera Mukama waitu kandi omujuni Yesu Kristo ekitiinisa!