Is this site a blessing to you?



Results

Okuheereza Ruhanga nk’eka

Twine amaka mingi munonga agarimu abaana abatarikukuratira Mukama. Ruhanga naayenda ngu amaka gamuheereze.

Ebi Ruhanga arikuragiira

  • Omushaija (Efe.5:23; 1 Tim.3:4-5).

Omushaija ashemereire kwebembera eka ye ati:

Okwegyesa ekigambo kya Ruhanga (okuhabura omuhanda),
Okushaba hamwe n’eka ye,
Okuba eky’okureeberaho,
Okukunda omukazi we n’abaana,
Okubagirira esaasi n’okuhama.

  • Omukazi (Enfumu 31:25-28; Tito 2:3-5).

Omukazi ashemereire kuhikiiriza obujunaanizibwa bwe omu ka ati:

Okufa aha byetengo bya iba n’abaana eby’omubiri n’eby’omwoyo, 
Okugira eka erikutaahwa(okwakiira),
Okwehayo ahabw’omurimo gw’okuhwera.

  • Abaana (Enfumu1:8; Efe.6:1-2; Enfumu 23:24-25).

Abaana bashemereire kworobera abazaire baabo n’okubaha ekitiinisa omuri Mukama.

Entwaza nungi ya Yobu (Yobu 1:1-5).
Yobu akaba naatiina Ruhanga, arikwetantara ekibi (oruny.1) kandi arikuramya Ruhanga(oruny.5). Nk’omuzaire murungi akatuura ari ohikiriire omu maisho ga Ruhanga n’aha baana be.
Akaba naafa aha byetengo byabo eby’omubiri n’eby’omwoyo. Akaba abashabira ngu ebibi byabo bisaasirwe kandi ngu bagume bari abahikiriire.

Abrahamu nk’eky’okureeberaho ky’omushaija owaabaire naatiina Ruhanga. (Okutandika 18:19).
Abrahamu akaba naikiririza kimwe ngu ekigambo kya Ruhanga n’amazima, n’obwengye kandi n’omugisha ahabwe n’ahabw’abaana be. N’ahabw’ekyo akaragiira abaana be okugyendera omu mihanda yoona eya Mukama nkoku we yaabaire naagigyenderamu.

We nk’omuzaire,akakuriza abaana be omu kworoba.

Ruhanga naayenda ngu amaka gamuheereze.

Dr. Czeslaw Bassara ( This e-mail address is being protected from spambots. You need JavaScript enabled to view it ; www.proword.eu)

James N. Spurgeon akahandiika ati:

“Omurimo guri aha kucwamu kwawe; obuheereza buri aha kwetwa Kristo, Omu murimo n’oba noomanya ngu nooyakiira; omu buheereza noogarura ekyo ekibaire kyakuhairwe, Omurimo nigurugiirira aha kubaasa kwawe; obuheereza niburugiirira aha kubaho kwawe ahari Ruhanga. Omurimo ogukozirwe gye nigukuhimbisisa; Obuheereza obukozirwe gye nibureetera Kristo ekitiinisa.”

Obuheereza obu n’obw’okureetera Mukama waitu kandi omujuni Yesu Kristo ekitiinisa!