Is this site a blessing to you?



Results

Okujunwa ngu oheereze!

Omuntu weena ku araabe nampeereza,ankuratire;kandi ahi ndi,n’omuheereza wangye niho ariba; omuntu weena ku ampeereza, Taata aryamuha ekitiinisa. (Yohaana 12:26).

Abaheereza bakuratira Mukama! Omuntu weena ku araabe nampeereza, ankuratire…

Mukama Yesu naashoboorora gye ngu abaheereza bakuratira Mukama! Ti bugabe bw’omuheereza okugambira mukama we eki araakore. Okukuratira Kristo n’okwebemberwa Omwoyo we; n’okutooranisa obwengye bwe; kubaho ahabwe n’okukora eki yaakwenda ngu tukore!

Omuheereza omu Ndagaano Ensya nikyoreka omuhuuku (omurugriika doulos). Obundi kimanyisa omudiikoni nari omuheereza (diakonos). Eki n’eky’amazima ahabw’okuba byona nibishushana omuhuuku nari omudiikoni. Byona nibimanyisa omuntu ogwo otariho ahabwe, kureka ou Mukama we ayeguriire. Tuguzirwe kuheereza Mukama waitu ebi arikwetenga.

Ni murimo ki ogu Mukama waitu Yesu ateereireho abaheereza be kukora? Omuringo gw’okumuheererezamu ogu arikubagambira, n’okuhinduka abahuuku b’abaheereza  bagyenzi baabo kandi n’okumariirira kimwe okwehayo kukora kyona, n’obu kyakuba kigumire kita nari kirikugarura ahansi, ahabw’okubahweera.

Abaheereza nibashangwa ahi Yesu arikukorera …ngu kandi ahi ndi, n’omuheereza wangye niho ariba.

Taata naakikora na hati, kandi naanye ninkora. (Yohaana 5:17).
Ahabw’okuba turi ebihangirwe bye, ebi yaahangiire omuri Kristo okukora emirimo emirungi, ei Ruhanga yaateekateekire ira. (Efe.2:10).

Ruhanga naakikora omu nsi yaitu egi! Nitubaasa kandi nitwija n’okugumizamu nitukora eki arikukora. Obuheereza ti bw’abariisa bonka nari abo abashomeire omu matendekyero g’eby’engiri. Ku turikutegyereza abo nari tukaba nibo twagyenderaho nitwija kuhikiiriza kakye.  

Abaheereza nibaija kuheebwa Ruhanga ekitiinisa …Omuntu weena ku ampeereza, Taata aryamuha ekitiinisa.

Twaheereza Mukama n’okushemererwa, n’okwesiima hamwe n’omuziimbwe, Ruhanga aryatuha ekitiinisa.

Omuteezi omwe w’endingiri, orikumanywa nka Paganini akahayo endingiri ye ayekundiire omu rurembo rumwe orwa Genoa ahakugyemeserezibwa ngu etarigaruka kuteerwa. Orubaaho rw’endingiri egyo ku eba n’ekoresibwa nirurahuka kukura, kandi n’ekyo okitaire aha rubaju,nirutandika n’okubungwa. Mbwenu endingiri ya Paganini ei yaabaire naakunda munonga waagireeba hati ekariibwa obukooko kandi tekiine mugasho kureka eri nk’ekijutsyo. N’omukristaayo ku arikwanga kuheereza kimumara amaani omu kuheereza kwe.

Abaheereza bakuratira Mukama! Abaheereza bashangwa ahi Yesu arikukorera! Ruhanga naija kuha abaheereza ekitiinisa!

Dr. Czeslaw Bassara ( This e-mail address is being protected from spambots. You need JavaScript enabled to view it ; wwwproword.eu)

James N. Spurgeon akahandiika ati:

“Omurimo guri aha kucwamu kwawe; obuheereza buri aha kwetwa Kristo, Omu murimo n’oba noomanya ngu nooyakiira; omu buheereza noogarura ekyo ekibaire kyakuhairwe, Omurimo nigurugiirira aha kubaasa kwawe; obuheereza niburugiirira aha kubaho kwawe ahari Ruhanga. Omurimo ogukozirwe gye nigukuhimbisisa; Obuheereza obukozirwe gye nibureetera Kristo ekitiinisa.”

Obuheereza obu n’obw’okureetera Mukama waitu kandi omujuni Yesu Kristo ekitiinisa!