Is this site a blessing to you?



Results

Omugisha oguri omu kushemeza Ruhanga

(Luka 12:32)

Luka taratungire mugisha gw’okugyenda nangwa n’okugamba na Yesu nka Matayo,Petero na Yakobo. Akaba ari omufumu ,owaahuriire engiri kandi akatoorana kworobera Ruhanga obwo arikuhandiika ebi yaahuriire byona ebirikukwata aha Mwana wa Ruhanga. Akaba ari omunyamahanga owaahandiikire omugane gw’engiri omu muringo ogushoboorokire gye okugira ngu weena owaabaire atari Muyudaaya abase kwetegyereza.

Ahabw’enki  Yesu yaagizire ati, "Mutatiina imwe obusyo obukye?"

Enkumi nyingi z’abantu zikaija kuhurira,kuriisibwa n’okutambirwa. Bakye aharibo nibo baataahire omu bukama.Akabagambaho "nk’obusyo obukye."

Ruhanga naatunga okushemererwa omur’itwe n’abaana baitu?

Abo abari omu bukama bwe nibamwesiga.
Ruhanga naashemezibwa okwikiriza kwaitu.Abaheburaayo 11:6-"Kandi otarikwikiriza tarikubaasa kumushemeza." Rom.8:8 „… abarikutegyekwa omubiri tibabaasa kugwisa gye Ruhanga." Abo abarikwetenga kushemeza Ruhanga, bagire amatsiko ahabwa Kristo n’oburungi bw’okuhikiirira kwe. Abo abarikwetenga kushemeza Ruhanga, babanze basherure obukama bwa Ruhanga n’okuhikiirira kwabwo.
Abo abarikwetenga kushemeza Ruhanga, beeteekateekye kumwesiga.

Abo abari omu bukama bwe nibamuhimbisa.
Omuri Zaaburi 69:30-31, Daudi akagira ati: „Ndyahimbisa eiziina rya Ruhanga n’ekyeshongoro, mmuhe ekitiinisa, n’eby’okumusiima… Ebyo biryagwisa gye Mukama okukira enimi y’ekimasha eine amahembe n’ebyara.” Okutwarira hamwe abarikusiimwa Ruhanga n’abo abeeheireyo kumuhimbisa. Nibaija omu nju ya Tataitwe n’ekyeshongoro. Beeheireyo kw’eshongorera Ruhanga eby’okumuhimbisa. Okwehayo kwaitu okw’okumuhimbisa n’ekyeshongoro, n’okuhangutsya Ruhanga okukira amagara gonka; nikikirayo okumushemeza okukira okukikora nk’omugyenzo kandi ekimanyiriirwe.

Yesu akeshongorera Ruhanga ekyeshongoro obu yaabaire ari haihi kuza aha musharaba. Ebyahandiikirwe nibigira ngu “Ku baaherize kweshongora Zaaburi, baashohora baaza omu kibungo kya Zeituuni.” (Mataayo 26:30). Baibuli neeyoreka emyanya erikurenga 25 ahi abantu ba Ruhanga barikweshongorera Mukama ekyeshongoro. Abo abarikwetenga kushemeza Mukama, Ruhanga natunga okushemererwa omu kuhimbisa kwabo.

Abo abari omu bukama bwe bamurangirira.
Twagira ekyetengo ky’okushemeza Ruhanga, tushemereire kubuurira Kristo. Titurikubaasa kubuurira engiri nggu tugambire abantu ebi bo barikwenda ngu bahurire. (1Kor.1:21; Gal. 1:10).

Ekyetengo kyaitu kishemereire ngu kibe okugamba nka Kristo ngu: „…ahabw’okuba obutoosha nkora ebimushemeza.” (Yohaana 8:29, Abarooma 15:3). Ka n’ekiconco okumanya ngu turi ab’omuhendo munonga ahariwe, okureeba ngu nikimushemeza itwe okutuhindura abaana b’obukama bwa Ruhanga!

Obukama bwa Ruhanga tibureeberwa mu bigambo kureka omu maani (1 Kor. 4:20).
1. Amaani g’okugabiirira kwe: Ruhanga naatuha eby’okurya by’obutoosha. (Mat. 6:11), amaizi g’amagara (Yohaana 4:14), okuhuumurizibwa n’kuruhuuka (Mat. 11:28).
2. Amaani g’okurindwa kwe: Ruhanga naaragiira bamaraika be kuturinda. (Zaaburi 91:11-13).
3. Amaani g’okuragaanisa kwe: Ruhanga naatuha ekigambo kye. (Zaaburi 107:20).

Dr. Czeslaw Bassara ( This e-mail address is being protected from spambots. You need JavaScript enabled to view it ; www.proword.eu)

James N. Spurgeon akahandiika ati:

“Omurimo guri aha kucwamu kwawe; obuheereza buri aha kwetwa Kristo, Omu murimo n’oba noomanya ngu nooyakiira; omu buheereza noogarura ekyo ekibaire kyakuhairwe, Omurimo nigurugiirira aha kubaasa kwawe; obuheereza niburugiirira aha kubaho kwawe ahari Ruhanga. Omurimo ogukozirwe gye nigukuhimbisisa; Obuheereza obukozirwe gye nibureetera Kristo ekitiinisa.”

Obuheereza obu n’obw’okureetera Mukama waitu kandi omujuni Yesu Kristo ekitiinisa!