Is this site a blessing to you?



Results

Outlines of Messages

Abaana b’orugyero oru nibetenga butumwa ki?

1.Nibetenga kuhurira ahari Ruhanga.

Ruhanga niwe bukomooko bw’okujunwa. Abaana nibetenga kumanya Ruhanga n’oha n’eki akora. Abaana tibarikubaasa kwetegyereza obujunaanizibwa bwabo aha kibi batabandize kugira ekishushani kishoboorokire ekya Ruhanga.

Nikyo twegyeseza ngu:

- Ruhanga akakuhanga (Ebyakozirwe 17:23-29): noojunaanwa omu maisho  ge
- Ruhanga naagamba naiwe naaraba omuri Baibuli (1 Kor.3-4): noojunaanwa kumuhurikiza.
- Ruhanga n’orikwera kandi ohikiriire (Ebyakozirwe 17:31): ashemereire kukucwera orubanja.
- Ruhanga ni murungi kandi naakukunda (Yohaana 3:16): akataho okujunwa  ahabwawe.

Read more: Abaana b’orugyero oru nibetenga butumwa ki?

   

Abarikushabira omu kuzimu

Luke 16, 19-31
Jude 22-23
1 Corinthians 16, 15

1.    Okutumwa omu kuheereza nikimanyisa ki?

Okutumwa omu kuheereza n’okuheereza n’okwehayo omu muringo gwona okwenda ngu abantu abandi bahurire engiri.
Nyine ekyetengo ky’okwehayo ahari Ruhanga omu muringo gw’okugira ngu nkore kyona ekirikubaasika okureebeka ngu abantu obu nyine nabo akakwate baagumirwa kutoorana kuza omuri gehena?

Obuheereza bwangye nibuuha?
Ntumirwe? Obujunaanizibwa obu nkwatsiibwe Ruhanga mbwakiire bwona? Ahabw’enki Abakristaayo bashemereire kwejumba omubuheereza?

2.    Ebibuuzo bibiri bikuru.

Ekibuuzo ky;omushaija omwe omu Baibuli, Ninye murinzi wa murumuna wangye ?’’ (Okutandika 4:9). Kaini owaabuurize ekibuuzo eki  akaba naagyezaho kweyihaho orubanja.
Ekibuuzo kikuru ekindi n’eki, ‘’mutaahi wangye n’oha?” (Luka 10: 29)
Omunyabiragiro ogu taramanyire mutaahi we n’oha.
Omukristaayo weena naayetenga kubuuza ebibuuzo ebi kandi obwo nitwetenga n’okubigarukamu.

Read more: Abarikushabira omu kuzimu

   

Aha bigyere bya Mukama waitu Yesu

1.   OKUSAASIRWA EBIBI – LUKA 7:38

Omufarisaayo n’obu araabe niwe yaayetsire Yesu omu ka ye, tarashutamire aha bigyere bye.  Akaba naayenda ngu ashutame nawe aha meeza.  Omukazi akaba ateetsire Yesu omuka ye (obundi  akaba ataine eka), kwonka akaba naamanya oburemeezi bwe buhango; ekibi.  Akamanya ngu naayetenga okusaasirwa ebibi bye.  Akaba areetsire ebibi bye aha bigyere bya Mukama waitu Yesu.

MUKAMA WAITU YESU NI RUHANGA ORIKUSAASIRA EKIBI !

 

2.   ENYEGYESA EHIKIRE - LUKA 10: 39

Mariamu akamanya ngu ashemereire kwega.  Mariza niwe yaayakiire Yesu omuka yaabo omuri Besania, kwonka Mariamu niwe yaashutamire aha bigyere bya Yesu.  Okwega nikwetenga okutamu amaani.  N’ekya buzima Mariamu tiwe yayetsire Mukama waitu Yesu, Kwonka akeetooranira omwanya omurungi munonga aha bigyere bya Yesu! Gukaba guri omugabo murungi (Luka 10: 42).

MUKAMA WAITU YESU NI RUHANGA OW’AMAZIMA, ORIKUTUMANYA KANDI ORIKUTUKUNDA.

Read more: Aha bigyere bya Mukama waitu Yesu

   

Ahabwenki nitwetenga obuheereza omu baana?

Entumwa Paulo omu Barooma 1:16 naagamba ngu engiri “nigo maani ga Ruhanga , agahaisa orikwikiriza weena okujunwa.” Ekiragiro kya Mukama waitu Yesu eky’ahamuheru ahar’itwe n’eki ngu “Mubuurire engiri ebihangirwe byona.” (Mako 16:15).

1.Enshonga y’okubanza kandi enkuru ahabwenki obuheereza omu baana nibwetengwa, nikiguma kiri ekiragiro ky’amaani ekya Mukama waitu Yesu. Abakristaayo tibarikubaasa kukyetantara nari  okugomera ekiragiro kye. Mukama Yesu naayenda ngu abaana baije (Mako 10:14; Mat. 18:14). Engiri i Baibuli erikugamba n’emanyisa ngu nitwetenga kubuurira abantu boona, obariiremu n’abaana.

2.Abaana baine ekyetengo ky’eby’omwoyo. Abaana bataine Yesu nibaba bafiire omu by’omwoyo. Baine oburemeezi bw’ekibi kandi bashemereire kwesiga Mukama Yesu.

3.Abaana nibaakiira engiri n’okwikiriza kwabo okworobi. Pat Verbal, omuhandiiki w’eby’obuheereza bw’abaana kandi omuhangu w’ekitongore ky’eby’obuheereza bw’abaana omu nsi yoona, naagira “ngu ahagati y’obucweka 75-85 obw’Abakristaayo abariho hati bakagira okwikiriza batakahikize myaka ikumi n’etaano.”

Read more: Ahabwenki nitwetenga obuheereza omu baana?

   

Ahabw’enki tushemereire kwejumbira omu buheereza?

Matayo 28:18-20;
Mako  16:15;
Yohaana 20:21;
Abarooma 10:13-15;
Ebyakozirwe 13:-2-4.


Kihamiibwe omu byafaayo ngu amahanga agatarimu ngiri nigo gakirizeyo obworo, ebihagaro, endwara, amaka gashenyukire, abaana b’ebizaarwa, omururu,oburi bw’enguzi n’entaro okukira ago agaikiriize engiri kubuurirwa n’obusingye.

Ebihandiikirwe nibyoreka ngu omu myaka 6.000 ehingwire harwainwe entaro zirikwingana 14.530 (omutwaro gumwe enkumi ina,magana ataano na makumi ashatu). Eki nikimanyisa ngu harwainwe entaro 2.6 buri mwaka. Kikatwarira Kaisaari empiiha zirikuhika emitwaro ikumi n’etaano [(Ush150.000) = $75] okwita omuzigu omwe w’omuserukare. Kikatwarira Napoleoni empiiha zirikuhika obukaikuru mukaaga [(Ush 6.000.000) = $3000]. Omu rutaro rw’ensi yoona orw’okubanza kikatwara obukaikuru makumi ana na bubiri [(Ush 42.000.000) = $21000] aha muzigu omwe owaitsirwe. Omu rutaro rw’ensi yoona orwa kabiri zikaba ziri obukaikuru (miriyooni) Magana ana [(Ush 400.000.000) = $200.000]. Orutaro orwa hati nirutwara empiiha zirikwingana nk’obuhumbi bubiri [(Ush 2000.000.000) = $1.000.000] ahabwa buri muzigu kwitwa.

Read more: Ahabw’enki tushemereire kwejumbira omu buheereza?

   

Page 1 of 13

<< Start < Prev 1 2 3 4 5 6 7 8 9 10 Next > End >>

James N. Spurgeon akahandiika ati:

“Omurimo guri aha kucwamu kwawe; obuheereza buri aha kwetwa Kristo, Omu murimo n’oba noomanya ngu nooyakiira; omu buheereza noogarura ekyo ekibaire kyakuhairwe, Omurimo nigurugiirira aha kubaasa kwawe; obuheereza niburugiirira aha kubaho kwawe ahari Ruhanga. Omurimo ogukozirwe gye nigukuhimbisisa; Obuheereza obukozirwe gye nibureetera Kristo ekitiinisa.”

Obuheereza obu n’obw’okureetera Mukama waitu kandi omujuni Yesu Kristo ekitiinisa!