Is this site a blessing to you?



Results

Ruhanga omu magara ga Abrahamu

Okutandika 12:8.

Okwombeka amatambiro

Ku turikureeba aha magara ga Abrahamu nitwetegyereza okuhikaana kwe haihi na Ruhanga. Abrahamu akaba naayombeka amatambiro kandi akaba naatakiriraho eiziina rya Mukama. Omu mazima, nangwa ebi turikugambirwaho ngu akaba naayombeka, n’amatambiro. Eky’okureeberaho titurikushoma ngu akaba naayombeka ebikaari. Aha muheru gw’amagara ge, akaba yaayombekiire Saara ekituuro. Kwonka ahi yaabaire aza hoona akaba ayombeka eitambiro kandi na kyona ekyabaire kimubaho omu magara ge akaba akibarira Ruhanga. Ahanyima y’amatambiro agaayombekirwe Abrahamu, nitubaasa kushoroonzya ebyafaayo by’amagara ge.

Abrahamu akaba naaramya Ruhanga. Gukaba guri omurimo gwe mukuru. Eky’okureeberaho, akamuramya obu:

- yaaruga omuri Misri (Okutandika 13:2-4);
- yaareeba obuhango bw’ensi eyaaraganisiibwe (Okutandika 13:14-18);
- Mukama yaamweyoreka kandi akahhindura eiziina rye Abramu akamweta Abrahamu (Okutandika 17:3-5);     
- yaakora endagaano na Abimeleki omuri Berisheba (Okutandika  21:33).

Okwombeka amatambiro gukaba gutari murimo gworobi. Hakaba hetengwa amabaare na koroto nari eibumba. Kwonka obwire bw’okwombeka eitambiro obwakirizeyo kuguma n’aha kibungo kya Moria. Okwombeka eitambiro eri obundi tikuramucwire mugongo kureka omutima. Akaba naamanya ngu eitambiro eri yaabaire naayombeka rikaba riri ery’omwana we. Omu maisho ga Ruhanga, Abrahamu we akaba yaahongire omwana we. Entaama terafiire kubaho. Ruhanga niwe yaagiretsire.

Enyikiriza ya Abrahamu

Abrahamu akaba naamanya Ruhanga okukira boona abaabaireho omu bunaku bwe. Ruhanga niwe yaashuururiire Abrahamu byona ebyabaire nibimugambaho (Ruhanga) -Okutandika 18,19. Hakaba hatariho Baibuli obwo. Okumanya ebya Ruhanga, kukaba kuri Ruhanga okweyoreka. Ruhanga akeeyoreka Abrahamu. Abrahamu ku yaabaire agamba na Ruhanga nari okugamba ahari Ruhanga, akaba amushoboororaho omu miring egi:

-MUKAMA, MUKAMA WANGYE  -  Okutandika 15:2.
-MUKAMA- MBAHO  -  Okutandika 15:2.
-RUHANGA,  RUKIRA-BOONA  -  Okutandika 14:22.
-RUHANGA  OW’OBUSHOBOOROZI BWONA  -  Okutandika 17:1.
-RUHANGA  ONDEEBA  -  Okutandika 16:13.
-RUHANGA  OTAHWAHO  -  Okutandika 21:33.
-RUHANGA  OGABA  -  Okutandika 22:14.

Abrahamu akaba ataine Baibuli, kwonka akaba naamanya Ruhanga gye okweshumba abantu baingi abaine Baibuli. Omuringo gw’okumanyiramu Ruhanga nigushoboorora entuura yaitu. “Nyoreka Ruhanga waawe ninyija kukworeka oku otuura, kandi n’ahi oriza ebiro n’ebiro!”

Okumanya Ruhanga n’omusingye ogwo, ogu kuba gutariho haba hatariho magara hamwe n’obuheereza.

Dr. Czeslaw Bassara ( This e-mail address is being protected from spambots. You need JavaScript enabled to view it ; www.proword.eu)

James N. Spurgeon akahandiika ati:

“Omurimo guri aha kucwamu kwawe; obuheereza buri aha kwetwa Kristo, Omu murimo n’oba noomanya ngu nooyakiira; omu buheereza noogarura ekyo ekibaire kyakuhairwe, Omurimo nigurugiirira aha kubaasa kwawe; obuheereza niburugiirira aha kubaho kwawe ahari Ruhanga. Omurimo ogukozirwe gye nigukuhimbisisa; Obuheereza obukozirwe gye nibureetera Kristo ekitiinisa.”

Obuheereza obu n’obw’okureetera Mukama waitu kandi omujuni Yesu Kristo ekitiinisa!