Is this site a blessing to you?



Results

Ahabwenki nitwetenga obuheereza omu baana?

Entumwa Paulo omu Barooma 1:16 naagamba ngu engiri “nigo maani ga Ruhanga , agahaisa orikwikiriza weena okujunwa.” Ekiragiro kya Mukama waitu Yesu eky’ahamuheru ahar’itwe n’eki ngu “Mubuurire engiri ebihangirwe byona.” (Mako 16:15).

1.Enshonga y’okubanza kandi enkuru ahabwenki obuheereza omu baana nibwetengwa, nikiguma kiri ekiragiro ky’amaani ekya Mukama waitu Yesu. Abakristaayo tibarikubaasa kukyetantara nari  okugomera ekiragiro kye. Mukama Yesu naayenda ngu abaana baije (Mako 10:14; Mat. 18:14). Engiri i Baibuli erikugamba n’emanyisa ngu nitwetenga kubuurira abantu boona, obariiremu n’abaana.

2.Abaana baine ekyetengo ky’eby’omwoyo. Abaana bataine Yesu nibaba bafiire omu by’omwoyo. Baine oburemeezi bw’ekibi kandi bashemereire kwesiga Mukama Yesu.

3.Abaana nibaakiira engiri n’okwikiriza kwabo okworobi. Pat Verbal, omuhandiiki w’eby’obuheereza bw’abaana kandi omuhangu w’ekitongore ky’eby’obuheereza bw’abaana omu nsi yoona, naagira “ngu ahagati y’obucweka 75-85 obw’Abakristaayo abariho hati bakagira okwikiriza batakahikize myaka ikumi n’etaano.”

4.Abaana niboorobera engiri munonga. Okurugiirira aha kucondooza kwa Barna omugisha  gw’okwakiira Kristo omu baana ni muhango munonga, okukira eminyeeto n’abakuru. Omu baana abari ahagati y’emyaka 5-13 y’obukuru omugisha gw’okwakiira Kristo n’obucweka
makumi ashatu na bubiri (32%). Nigugaruka ahansi aha bucweka buna (4%) ahabw’abo abaine emyaka 14-18, kandi gugaruka gutandikira aha bucweka mukaaga (6%) okuhitsya aha muheru gw’amagara gaabo.

5.Abaana baine obuhangaazi bwingi. Obuheereza  omu baana n’okwombekyera ebya nyentsya. Omubaro gw’abantu omu nsi yoona hati guri aha buhumbi mukaaga (6.000.000.000). Ahari abo, kimwe kya kashatu n’abaana kandi nibo kanisa eya nyentsya n’amahanga aga nyentsya. Omwana owaajunwa biri nigo magara agaajunwa.

6.Abaana nibakira kuba ebikwato bya Ruhanga omu kujuna abandi. Amaka agarimu abazaire, abagurusi n’abakaikuru nigabaasa kujunwa kurabira omu bujurizi bw’omwana muto ojunirwe. N’abanywani nibabaasa kuhikwa ahabwa Kristo. Omu muringo ogu, abaana nibabaasa kuba omugisha ahabw’ekanisa.

7.Abaana bakakora omurimo muhango omu byafaayo by’ekanisa y’Obukristaayo. Omubuurizi rurangaanwa Martin Luther akagira ati: “Obukama bwa Ruhanga ku buraabe buri obw’okwija n’amaani tushemereire kutandikana n’abaana kandi tushemereire kubegyesa okurugira kimwe omu mizi.” Charles Spurgeon akahandiika ati: “Abaana nibetenga engiri, engiri eijwire, engiri etajwangiremu; bashemereire kugitunga, kandi ku baraayegyesibwe Omwoyo wa Ruhanga, baine obubaasa bw’okugyakiira nk’abantu abahikize emyaka.” Dean  
Stone, owaabaireho omwebembezi w’ekitongore ky’eby’obuheereza bw’abaana omu nsi yoona (INCM) naagira ngu: “Obuheereza omu baana nibwo burikweshumba obundi bwona omu kanisa nikutandikira omu buto, kukura nikutoora ahaiguru.”

8.Abaana nibetenga abo abu Omwoyo Orikwera ahaire ekiconco. Abantu abo nibabaasa kwegyesa n’okubuurira abaana. Nibeetwa Ruhanga okuza  omu buheereza bw’abaana. (Rom.1:16).

9.Omu kwejumbira omu buheereza omu baana nituhaisa Ruhanga ekitiinisa. Ekyetengo ekirikukira obuhango eky’omukristaayo weena, nangwa ti na muzaire wenka nari omwegyesa n’okuhaisa Ruhanga ekitiinisa. Abaana ku bajunwa kandi baaguma omuri Mukama      n’okumukuriramu, bamuhimbisisa! Eki nikyo kijuma eki Ruhanga arikwenda! Obuheereza omu baana nibwetengwa ahabw’okuhimbisisa Ruhanga!

Dr. Czeslaw Bassara ( This e-mail address is being protected from spambots. You need JavaScript enabled to view it ; www.prowod.eu)

Yaaqob N. Ispurgiyoon akkas jedhe barreessee ture:

Hojiin filannoo keetii, tajaajilli waamicha kastosiiti. Hojii keessatti akka ofitti fudhatutu sirra eegama; tajaajila keessatti akka kennittutu sirraa eeguma. Hojii keessatti wanta tokko argachuuf wanta ta'ee kennu qabda; tajaajila keessatti wanta siif kenname deebistee kennu danda'uu qabda. Hojiin dandeetti kee irratti hunda'aa. Tajaajilli dandeetti ati waaqayyoof qabduu irratti hunda'a. Hojii hojeteef galatni akkuma siif laatamu; tajaajilli godhamuu ulfina waaqayyoof kena.