Is this site a blessing to you?



Results

Nitwetenga okugarurwamu amaani kwa Ruhanga omu bunaku bw’okuhwamu amaani.

1.    Isaaka aketenga okugarurwamu amaani: “Ninyija kukuha omugisha omu nsi y’enjara!”
Mukama yaayeyoreka Isaaka, yaamugira ati: Otashuuma Misri; ogume omu nsi, ei naaza kukugambira, obe niyo waashuhuukiramu; naanye ndyaguma naiwe, nkuhe omugisha; ahabw’okuba iwe n’oruzaaro rwawe ndyabaha ensi ezi zoona, mpamye endahiro, ei naarahiire shoAbrahamu. (Okutandika 26:2-3).

(Okutandika 26:12-13).
Isaaka ku yaateirwe eibura ry’eby’okurya omu nsi ei yaabaire naatuuramu, Ruhanga akamuragiira okutaza Misri kureka okuguma ahi yaabaire ari. Ruhanga akaraganisa Isaaka ngu naija kumuha omugisha omu nsi egyo, kandi Ruhanga akatungisa Isaaka n’ahabw’ekyo ku yaabibire omu nsi egyo,yaashaaruura bingi munonga. Isaaka akagumizamu naayeyongyera amaani kandi n’okutunga okuhitsya obu yaabaire omutungi rurangaanwa.

Omu muringo nk’ogwo Ruhanga naabaasa kutuha omugisha omu bunaku obu turikubugana okugumirwa, okukyena n’okuhutaara.
Nitubaasa kwohibwa ngu tuhungye kuruga omu bunaku obu turikubuganiramu obusaasi n’okutiinisibwa.

Ruhanga naaraganisa kworeka ammani ge ahabwaitu, kandi n’okututunguura omu mwanya nigwo gumwe ahi turikubugana okukyena n’okutiinisibwa.

2.    Rakeeli: “…kandi Ruhanga yaijuka Rakeeli!”

Ruhanga yaijuka Rakeeli, yaahurira okushaba kwe, yaigura enda ye. (Okutandika 30:22).
Rakeeli akaba engumba kumara omwanya muraingwa kandi kyarebeka orikushusha oti Ruhanga akaba amwebirwe. Abandi boona bakaba nibazaara  abaana babakurataniise. Kikareebeka orikushusha oti Rakeeli niwe omwe wenka owaabaire atabariirwe omu mugisha gwa Ruhanga. Mbwenu, ku kyareebekire orikushusha oti Ruhanga akaba amwebirwe, ebyahandiikirwe nibigira ngu ″Mukama yaijuka Rakeeli!″ Rakeeli akaba ateebire! Ruhanga yaamwijuka kandi yaahurira okurira kwe. Akamwihaho ekihemu yaamuha omwana yaamweta Yosefu. Mutabani wa Rakeeli Yosefu akateebwa ahaiguru y’abandi baana boona. Yosefu akaba gye kandi yaagumizamu yaahinduka enganzi ya Misri. Rakeeli nobu yaabaire ari ow’okutegyereza omugisha gwe kumara omwanya muraingwa, ku gwaizire, gukaba gutari gwa butoosha, gukaba niguhita endiijo yoona.

Omu magara gaitu obumwe, nikireebeka orikushusha oti Ruhanga atwebirwe kandi oshusha oti ondiijo muntu weena natunga omugisha aha gundi. Ruhanga owaijukire Rakeeli buzimazima naija kutwijuka, atuhe omugisha, oguriba guri ogw’omutaano kandi ogushemereire okutegyereza munonga kwaitu n’okukyerererwa kwagwo.

Titushemereire kuhwamu amaani kureka tugumizemu omu maisho twine amatsiko n’okuhama ahabw’omugisha ogu Ruhanga atutebeekanisiize.

3.    Yakobo: ″ndeebire ebi Labaani arikukwitsa.″

…ahakuba ndeebire ebi Labaani arikukwitsa. (Okutandika 31:12).
Okutandika 31:12,6-7,41
Yakobo ku yaabonaboine ahabw’okwitwa kubi Labaani okumara emyaka makumi abiri, Ruhanga yaamugambira ngu arugye owa Labaani agarukye omu nju y’ishe. Akagambira Yakobo ati: Ndeebire ebi Labaani arikukwitsa. Mukama akajuna Yakobo kuruga ahari Labaani. N’obu Yakobo araabe yaitsirwe kubi kandi akabeihwabeihwa Labaani kumara omwanya muraingwa, kikaba kitasherekirwe Mukama. Ruhanga akaba naareeba oburyarya n’okuhatwa ebyahikire ahari Yakobo kwonka obunaku bukahika, obu yaayeimukiire akamujuna.

Omu magara gaitu, Ruhanga naamanya byona ebi turikurabamu hamwe n’obusaasi bwona n’okuganya ebirikutuhikaho. Titushemereire kugira enteekateeka erikutumaramu amaani ngu Ruhanga tarikumanya okubonabona kwona oku turikurabamu.

Ruhanga namanya oburyarya bwona n’okwitwa kubi ebi turikubugana kandi naija kweyimukira atujune kuruga omu mukono gw’orikuhata n’enkozi z’ebibi.

4.    Eliya: “Okiine orugyendo ruhango!”

We akagyenda orugyendo rw’eizooba ryona, akaza omu ihamba. Ku yaahikireyo yaashutama ahansi y’omukinga, yaashaba Ruhanga ngu afe, naagira ati: Mperere hi! mbwenu, ai Mukama, nyita; ahakuba tiinyine ki ndikuhitsa baatatenkuru… maraika wa Mukama yaija obwa kabiri, yaamukoraho, yaagira ati: Imuka orye, orugyendo ni ruhango. (1Bag.19:4,7).

1 Abagabe 19:1-7.15-16;  2 Abagabe 2:1.11.
Amagara ga Eliya gakaba gari omu kabi ahabwa Yezebeeli, akahwa amaani yaashaba ngu afe. Akagambira Ruhanga ati: “Mperere hi! mbwenu reka nfe.” Akareeba kiri kirungi okufa okukira okugumaho. Akaba atarikureeba kigyendererwa ky’amagara ge. Tareetegyereize ngu Ruhanga akaba akimwiniire omurimo gw’okukora. Ruhanga akoohereza maraika we kumugumya. Akamugambira ku akiine orugyendo ruhango. Hakaba hakiriho emirimo y’omugasho ei Ruhanga yaabaire amwiniire y’okuhikiiriza. Akaba ari ow’okushuka amajuta aha bagabe b’amahanga abiri kandi n’okushuka amajuta aha muhunguzi we Elisa. Hoona nabwo ekaba eri entebeekanisa ya Ruhanga ahabwa Eliya ngu akaba atashemereire kureeba kufa kandi ngu akaba ashemereire kutwarwa omu iguru ahuriire, omu kigaari ky’omuriro. Eliya, omu kushoberwa kwe tareetegyereize entebeekanisa erikutangaaza ei Ruhanga yaabaire ainiire amagara ge. Ahobwe akashaba ngu afe. Kwonka Ruhanga akamuhamya kandi yaamuhwera kuhikiiriza ekigyendererwa ky’amagara ge n’okwetwa kwe omu buheereza.

Omu magara gaitu, okuruga aha bunaku okuhika aha bundi nituhwa amaani ahabw’emigamba erikuremeera kandi tushaba Ruhanga ngu atwiheho ahabw’okutamwa ensi. Titurikwetegyereza ngu nituba tukiine orugyendo ruhango kandi na Ruhanga naaba akitwiniire omurimo gw’okukora.

Ruhanga naatuhamya ngu tugumizemu tumariire emirimo yoona ei atuhaire kuhikiiriza omu bukama bwe.   

Dr. Czeslaw Bassara ( This e-mail address is being protected from spambots. You need JavaScript enabled to view it ; www.proword.eu)

Yaaqob N. Ispurgiyoon akkas jedhe barreessee ture:

Hojiin filannoo keetii, tajaajilli waamicha kastosiiti. Hojii keessatti akka ofitti fudhatutu sirra eegama; tajaajila keessatti akka kennittutu sirraa eeguma. Hojii keessatti wanta tokko argachuuf wanta ta'ee kennu qabda; tajaajila keessatti wanta siif kenname deebistee kennu danda'uu qabda. Hojiin dandeetti kee irratti hunda'aa. Tajaajilli dandeetti ati waaqayyoof qabduu irratti hunda'a. Hojii hojeteef galatni akkuma siif laatamu; tajaajilli godhamuu ulfina waaqayyoof kena.