Is this site a blessing to you?



Results

Outlines of Messages

Abarikushabira omu kuzimu

Luke 16, 19-31
Jude 22-23
1 Corinthians 16, 15

1.    Okutumwa omu kuheereza nikimanyisa ki?

Okutumwa omu kuheereza n’okuheereza n’okwehayo omu muringo gwona okwenda ngu abantu abandi bahurire engiri.
Nyine ekyetengo ky’okwehayo ahari Ruhanga omu muringo gw’okugira ngu nkore kyona ekirikubaasika okureebeka ngu abantu obu nyine nabo akakwate baagumirwa kutoorana kuza omuri gehena?

Obuheereza bwangye nibuuha?
Ntumirwe? Obujunaanizibwa obu nkwatsiibwe Ruhanga mbwakiire bwona? Ahabw’enki Abakristaayo bashemereire kwejumba omubuheereza?

2.    Ebibuuzo bibiri bikuru.

Ekibuuzo ky;omushaija omwe omu Baibuli, Ninye murinzi wa murumuna wangye ?’’ (Okutandika 4:9). Kaini owaabuurize ekibuuzo eki  akaba naagyezaho kweyihaho orubanja.
Ekibuuzo kikuru ekindi n’eki, ‘’mutaahi wangye n’oha?” (Luka 10: 29)
Omunyabiragiro ogu taramanyire mutaahi we n’oha.

Omukristaayo weena naayetenga kubuuza ebibuuzo ebi kandi obwo nitwetenga n’okubigarukamu.

Read more: Abarikushabira omu kuzimu

   

Ahabwenki nitwetenga obuheereza omu baana?

Entumwa Paulo omu Barooma 1:16 naagamba ngu engiri “nigo maani ga Ruhanga , agahaisa orikwikiriza weena okujunwa.” Ekiragiro kya Mukama waitu Yesu eky’ahamuheru ahar’itwe n’eki ngu “Mubuurire engiri ebihangirwe byona.” (Mako 16:15).

1.Enshonga y’okubanza kandi enkuru ahabwenki obuheereza omu baana nibwetengwa, nikiguma kiri ekiragiro ky’amaani ekya Mukama waitu Yesu. Abakristaayo tibarikubaasa kukyetantara nari  okugomera ekiragiro kye. Mukama Yesu naayenda ngu abaana baije (Mako 10:14; Mat. 18:14). Engiri i Baibuli erikugamba n’emanyisa ngu nitwetenga kubuurira abantu boona, obariiremu n’abaana.

2.Abaana baine ekyetengo ky’eby’omwoyo. Abaana bataine Yesu nibaba bafiire omu by’omwoyo. Baine oburemeezi bw’ekibi kandi bashemereire kwesiga Mukama Yesu.

3.Abaana nibaakiira engiri n’okwikiriza kwabo okworobi. Pat Verbal, omuhandiiki w’eby’obuheereza bw’abaana kandi omuhangu w’ekitongore ky’eby’obuheereza bw’abaana omu nsi yoona, naagira “ngu ahagati y’obucweka 75-85 obw’Abakristaayo abariho hati bakagira okwikiriza batakahikize myaka ikumi n’etaano.”

Read more: Ahabwenki nitwetenga obuheereza omu baana?

   

Ahabw’enki tushemereire kwejumbira omu buheereza?

Matayo 28:18-20;
Mako  16:15;
Yohaana 20:21;
Abarooma 10:13-15;
Ebyakozirwe 13:-2-4.


Kihamiibwe omu byafaayo ngu amahanga agatarimu ngiri nigo gakirizeyo obworo, ebihagaro, endwara, amaka gashenyukire, abaana b’ebizaarwa, omururu,oburi bw’enguzi n’entaro okukira ago agaikiriize engiri kubuurirwa n’obusingye.

Ebihandiikirwe nibyoreka ngu omu myaka 6.000 ehingwire harwainwe entaro zirikwingana 14.530 (omutwaro gumwe enkumi ina,magana ataano na makumi ashatu). Eki nikimanyisa ngu harwainwe entaro 2.6 buri mwaka. Kikatwarira Kaisaari empiiha zirikuhika emitwaro ikumi n’etaano [(Ush150.000) = $75] okwita omuzigu omwe w’omuserukare. Kikatwarira Napoleoni empiiha zirikuhika obukaikuru mukaaga [(Ush 6.000.000) = $3000]. Omu rutaro rw’ensi yoona orw’okubanza kikatwara obukaikuru makumi ana na bubiri [(Ush 42.000.000) = $21000] aha muzigu omwe owaitsirwe. Omu rutaro rw’ensi yoona orwa kabiri zikaba ziri obukaikuru (miriyooni) Magana ana [(Ush 400.000.000) = $200.000]. Orutaro orwa hati nirutwara empiiha zirikwingana nk’obuhumbi bubiri [(Ush 2000.000.000) = $1.000.000] ahabwa buri muzigu kwitwa.

Read more: Ahabw’enki tushemereire kwejumbira omu buheereza?

   

Akahurikano aku tugira ku tuba tuteebembeize Ruhanga

Yeremia 2:1-37.

Emigane eshatu niyo erikworekwa omu kitabo kya nabi Yeremia.

Omugane gw’okubanza gurimu omutsigazi orikwetwa Yeremia. Yeremia n’omuntu ou Ruhanga yaatooraine kukora omurimo gugangaire munonga.
Omugane gwa kabiri gurimu abantu abu Ruhanga yaatooraine, Israeli. Ahanyima y’emyaka mingi y’obwebembezi butarimu kutiina Ruhanga n’okuramya ebishushani, Ruhanga akaba yaatamirwe. Akaheereza Yeremia omurimo gw’okuragura amakuru mabi ngu abantu abo nibaija kucwekyerezibwa aba Babulooni.
Omugane gwa kashatu gurimu Ruhanga we wenka.Omuzaire ocwekire omutima ahabw’okureeba abaana be nibagaruka enyima bakaza omu bugomi.

Ruhanga ku arikuba atabaire w’okubanza omu magara gaitu nituba turi ab’okweshanga omu naku y’amaani. Akahurikano aku orikugira waaba oteebeembeize Ruhanga.
Eki nikyo kyabaire aha batoorainwe ba Mukama,Ab’Israeli. Bakatandika kujwanga n’amahanga agandi hamwe na ba Ruhanga baabo. Baatandika kushwererana n’abantu abandi abatari b’enyikiriza y’Ekiyudaaya. Eki baateekateekire omu kutandika ngu nibaija kukumiirira kyaba nikyo kyabakumiirira.

1.    Okwehanangiriza kw’okubanza - ku orikukuratira ekintu ekindi ekitari kya Ruhanga, nooba nooterera orikuza omu kuhwerekyerera.
Yeremia akahendera naayoreka n’amaani akabi ka Israeli ati:
Haza waaramiza aha mutwe gwa buri kibungo kiraingwa n’ahansi ya buri kiti kibisi ekyetwa omurinzi, nka maraaya. (Yeremia 2:20b).

Read more: Akahurikano aku tugira ku tuba tuteebembeize Ruhanga

   

Bakatsigaho byona baamukuratira

Luka 5:1-11

Entebeeekanisa y’kubanza
Ruhanga ayeteekateekire kukwegyesa!
Yesu ku yaabaire ayemereire aha rubaju rw’enyanja ya Genesareeti, omutwe gw’abantu baingi gwamufunza kuhurira ekigambo kya Ruhanga. (Luka 5:1).

Ekyegyeso 1.
Ku ndabe nyeteekateekire kuhurikiza, Ruhanga ayeteekateekire kunyegyesa!

Entebeekanisa ya kabiri
Ruhanga ayeteekateekire kukworeka amaani ge!

Yaareeba amaato abiri gari aha nkungu y’enyanja; kwonka abajubi bagarugiremu niboozya obutimba bwabo. Yaaza omuri bumwe obwabaire buri obwa Simooni, yaamushaba kubwirizayo hakye kuruga aha nkungu. Yaabushutamamu yaayegyesa abantu. Ku yaaherize kugamba yaagira Simooni ati: Mwirire ahagati y’enyanja mutegye obutimba bwanyu. Simooni yaamugarukamu ati: Mwegyesa turaire nitutega ekiro kyona, twabura eki twakwatsa, kwonka ahabw’ekigambo kyawe, ka ntegye obutimba. Ku baakozire ekyo, baakwatsa eby’enyanja bingi munonga, obutimba bwabo bwayenda kucweka; nikwo kwetesa bagyenzi baabo engaro bari omu bundi bwato ngu baije babahwere. Baija baijuza amaato gombi, gaayenda kumirwa. (Luka 5:2-7).

Read more: Bakatsigaho byona baamukuratira

   

Page 1 of 13

<< Start < Prev 1 2 3 4 5 6 7 8 9 10 Next > End >>

Yaaqob N. Ispurgiyoon akkas jedhe barreessee ture:

Hojiin filannoo keetii, tajaajilli waamicha kastosiiti. Hojii keessatti akka ofitti fudhatutu sirra eegama; tajaajila keessatti akka kennittutu sirraa eeguma. Hojii keessatti wanta tokko argachuuf wanta ta'ee kennu qabda; tajaajila keessatti wanta siif kenname deebistee kennu danda'uu qabda. Hojiin dandeetti kee irratti hunda'aa. Tajaajilli dandeetti ati waaqayyoof qabduu irratti hunda'a. Hojii hojeteef galatni akkuma siif laatamu; tajaajilli godhamuu ulfina waaqayyoof kena.