Եկե՛ք մեր աչքերն ուղղենք դեպի Տեր Հիսուսը

«Նայենք հավատի զորագլխին և կատարողին` Հիսուսին, որ իր առջև դրված ուրախության փոխարեն խաչը հանձն առավ և ամոթն արհամարհելով` Աստծու աթոռի աջ կողմը նստեց: Ուրեմն նրա՛ մասին մտածեք, ով մեղավորներից իր դեմ այսպիսի հակառակություն քաշեց, որպեսզի ձեր անձերով չհոգնեք և չթուլանաք» (Եբրայեցիներին 12:2-3):

Եթե մեր կյանքում նախապատվություններ չունենանք, մեր շրջապատի մարդիկ և իրավիճակները դա կանեն մեր փոխարեն: Երբ դա պատահի, մտահոգությունը և հուսահատությունը կարող են դառնալ խնդիր:  

1. Տեր Հիսուսը գիտեր Իր նպատակը:

Հիսուսն էլ նրան ասաց. «Այսօր այս տանը փրկություն եղավ, որովհետև սա էլ Աբրահամի որդի է: Որովհետև Մարդու Որդին եկել է, որ կորածին փնտրի ու փրկի» (Ղուկաս 19:9-10):

«Որովհետև Աստված իր Որդուն չուղարկեց, որպեսզի աշխարհին դատի, այլ որպեսզի նրա միջոցով աշխարհը փրկվի: Նրան հավատացողը չի դատապարտվի, իսկ չհավատացողն արդեն դատապարտված է, որովհետև չհավատաց Աստծու Միածին Որդու անվանը»  (Հովհաննես 3:17-18):

Ղուկաս 15:1-11-ում մենք հանդիպում ենք բաների, որոնք կորած են.

ոչխարը, որ կորած էր ըստ սովորության,

ոսկեդրամը, որ կորած էր պատահաբար,

որդին, որ կորած էր կանխամտածված:

Նախքան մեր նախապատվություններն ունենալը, պետք է իմանանք մեր նպատակը:

2. Տեր Հիսուսի նախապատվությունները հիմնված էին Իր նպատակի վրա:

Նախապատվություն առաջին` հաղորդակցություն Իր Հոր հետ:

«Եվ լուսաբացին առավոտ շատ վաղ վեր կացավ, դուրս եկավ, մի անապատ տեղ գնաց ու այնտեղ աղոթք էր անում: Սիմոնն ու նրա հետ եղողները նրա հետևից գնացին: Եվ երբ նրան գտան, ասացին նրան. «Բոլորը քեզ են փնտրում»: Նրանց ասաց. «Մոտակա գյուղերն ու քաղաքները գնանք, որ այնտեղ էլ քարոզեմ, որովհետև սրա համար եմ եկել»» (Մարկոս 1:35-38):

Նախապատվություն երկրորդ` աշակերտություն նեղ շրջանակում:
«Երբ ճանապարհով Երուսաղեմ էին գնում, Հիսուսը նրանց առաջից էր գնում, իսկ նրանք զարմանում էին ու հետևից գնալով` վախենում էին: Տասներկուսին նորից առանձին վերցրեց, սկսեց նրանց ասել, թե իրեն ինչե՛ր են պատահելու» (Մարկոս 10:32):

Նախապատվություն երրորդ` ծառայություն կորածներին:

«Որովհետև Մարդու Որդին եկել է, որ կորածին փնտրի ու փրկի» (Ղուկաս 19:10):

3. Տեր Հիսուսը Իր նախապատվությունները պաշտպանում էր այլ մարդկանց օրակարգերից:

«Այնուհետև Հիսուսը սկսեց աշակերտներին հայտնել, թե ինքը պետք է Երուսաղեմ գնա, ծերերից, քահանայապետներից, դպիրներից շատ չարչարանքներ կրի, սպանվի և երրորդ օրը հարություն առնի»:

Պետրոսը, նրան մի կողմ տանելով, սկսեց նրան հանդիմանել ու ասել.«Քա՛վ լիցի քեզ, Տե՛ր, այդ բանը թող չլինի քեզ»:

Եվ նա դարձավ ու ասաց Պետրոսին. «Հեռացի՛ր ինձանից, սատանա՛, դու ինձ համար գայթակղություն ես, որովհետև դու ոչ թե Աստծու, այլ մարդկանց բաներն ես մտածում» (Մատթեոս 16:21-23):

1. Տեր Հիսուսը գիտեր Իր նպատակը

2. Տեր Հիսուսի նախապատվությունները հիմնված էին Իր նպատակի վրա:
 
3. Տեր Հիսուսը Իր նախապատվությունները պաշտպանում էր այլ մարդկանց օրակարգերից:

Եկե՛ք մեր աչքերն ուղղենք դեպի Տեր Հիսուսը:

Դոկտ. Չեսլով Բասսարա ( Այս էլ.փոստի հասցեն պահպանված է spam bots-երից, պետք է Javascript-ին հնարավորություն տալ դիտելու համար , www.proword.eu)