Ինչո՞ւ երեխաներին հասնելու առաքելության կարիքն ունենք

Պողոս առաքյալը Հռոմեացիներին 1:16-ում հայտարարում է, որ Ավետարանը «Աստծո զորությունն է` փրկելու համար ամեն հավատացողի»: Տեր Հիսուսի վերջին պատվերը մեզ սա էր. «Ամեն արարածի Ավետարա՛նը քարոզեք» (Մարկոս 16:15):

1. Առաջին և ամենակարևոր պատճառը, թե ինչու պետք է երեխաներին հասցնել առաքելությունը, պե՛տք է հիշել Տեր Հիսուսի պատվերը: Քրիստոնյաները չեն կարող խուսափել կամ շրջանցել Նրա պատվերը: Տեր Հիսուսն ուզում է, որ երեխաները Իր մոտ գան (Մարկոս 10:14, Մատթ.18:14): Աստվածաշնչյան ավետարանչություն նշանակում է` պետք է ավետարանենք բոլոր մարդկանց, ներառյալ երեխաներին:  

2. Երեխաները հոգևոր կարիք ունեն: Առանց Տեր Հիսուսին նրանք հոգևորապես մեռած են: Նրանք մեղքի խնդիր ունեն և պետք է վստահեն Տեր Հիսուսին:  

3. Երեխաները կարող են արձագանքել Ավետարանին` իրենց պարզ հավատով: Փաթ Վերբալը` երեխաների ծառայության  միջազգային ցանցի հեղինակը և խորհրադատուն, հաստատում է, որ այժմյան քրիստոնյաների 75-85%-ը իրենց հավատի քայլն արել են մինչև 15 տարեկանը:

 

4. Երեխաները շատ բաց են Ավետարանի համար: Ըստ Բարնա Ռեսերչի` Քրիստոսին ընդունելու հավանականությունն ավելի մեծ է երեխաների, պատանիների և չափահասների մոտ: 5-13 տարեկան երեխաների մոտ Քրիստոսին ընդունելու հավանականությունը 32% է: Այն 14-18 տարեկանների մոտ իջնում է 4%-ի, իսկ մնացած տարիքների մոտ 6% է:

5. Երեխաներն ունեն երկար ապագա: Երեխաների հասնելու առաքելութունը ավանդ է ապագայի համար: Ներկայիս աշխարհի բնակչությունը ավելին է, քան 6.000.000.000-ը, որի մեկ երրորդը երեխաներ են և նրանք են ապագա եկեղեցին և ազգերը: Մի երեխայի փրկվելով` մի կյանք է փրկվում:

6. Երեխաները հաճախ Աստծո համար գործիք են ուրիշներին փրկելու համար: Ընտանիքներ, ներառյալ ծնողներ, տատիկներ և պապիկներ կարող են փրկվել փրկված երեխայի պարզ վկայության միջոցով: Ընկերները նույնպես կարող են փրկվել Քրիստոսի համար: Այսպիսով երեխաները կարող են մեծ օրհնություն լինել եկեղեցու համար:
 
7. Երեխաները մեծ դեր են խաղացել եկեղեցու պատմության ընթացքում: Դոկտ. Մարթին Լյութերը ասել է. «Եթե Աստծո թագավորությունը գալիս է ուժով, մենք պե՛տք է սկսենք երեխաներից և պե՛տք է սկսենք նրանց սովորեցնել հենց օրորոցից՚: Չարլզ Սպերջենը գրել է «ՙԵրեխաները Ավետարանի կարիքն ունեն, ամբո՛ղջ Ավետարանի, չմեծացվա՛ծ Ավետարանի, նրանք պե՛տք է այն ունենան և եթե նրանք ուսուցանվեն Աստծո Հոգով, նրանք ընդունակ են ընդունել այն, ինչպես հասուն անձերն են դա անում»: INCM-ի նախագահ Դին Սթոնը նշում է. «Երեխաների հետ ծառայությունը եկեղեցու ամենանշանակալից ծառայությունն է...տեղական եկեղեցու կատարելությունը սկսվում է անչափահասներից և շարունակվում է մյուս տարիքներով»:

8. Երեխաները կարիք ունեն անձանց, ովքեր ունեն Սուրբ Հոգու պարգևները: Այս մարդիկ կարող են սովորեցնել և ավետարանել երեխաներին: Նրանք կանչված են Աստծո կողմից` կատարելու երեխաներին հասնելու առաքելությունը (Հռոմ. 1:16):

9. Մենք փառավորում ենք Աստծուն` կատարելով երեխաներին հասնելու առաքելությունը: Ոչ միայն ծնողի կամ ուսուցչի, այլ յուրաքանչյուր քրիստոնյայի ամենամեծ փափագը Աստծուն փառավորելն է: Երբ երեխաները փրկվում են և մեծանում են Տեր Հիսուսի համար, փառք են բերում Նրան: Սա այն պտուղն է, որ Աստված փնտրում է: Երեխաներին հասնելու առաքելությունը պետք է փառավորի Աստծուն:  

Դոկտ. Չեսլով Բասսարա ( Այս էլ.փոստի հասցեն պահպանված է spam bots-երից, պետք է Javascript-ին հնարավորություն տալ դիտելու համար , www.proword.eu)