Is this site a blessing to you?



Results

Amu nee si kemache otisiet ne bo Lagok?

Mwae ne kiyoktoi Paulo eng Romanik 1, 16 kole Logoiywek ko 'kimnatetab Jehovah agoi yetunet eng age tugul ne iyoni,' Ng'atutiet ne bo let ne kiimwa Kiptaiyat Jesu ko 'Oamjinote logoiywek che miach bik tugul.' (Mariko 16, 15).

1. Amu nee ne tai ak kobo kamonut eng otisiet ne magaat eng lagok, ko kotononi ko ng'atutiet ne kiim eng Kiptaiyat Jesu. Magoi kongelelji kristianik ng'atutionito. Machei Kiptaiyat Jesu lagok kobwanji inendet (Mariko 10, 14; Mt. 18, 14). Amdaet eng Bukuit ne Tilil komwae kole
keamdeji bik tugul, koboto lagok.

2. Tinyei lagok magutikab Tamirmiriet. Ngot ko matinyei Kiptaiyat Jesu ko kigobek eng magutikab Tamirmiriet. Tinyei kaimutiet ne bo tengekto ak ko magaat koyan Kiptaiyat Jesu.

3. Imuchi koyan lagok logoiywek eng kayanet ne ma uui. Kimwa ne ki sirindetab boisietab lagok ago ki kotigonindet ne bo kibagengeitab ing'ony (International Network) eng boisionikab lagok, kole ‘eng 75-85% che bo lagok che bo rani kogochin gei Kiptaiyat eng kayanet amaiit kenyisiek 15.’

4. Chobootin lagok kogass logoiywek. Kosubgei ak kweanet ne kigure Barna ko kichigil kole kamuktaet ne bo kiyan Kristo ko o mising eng lagok, kosir neranik, anan ko bik che echen. Eng lagok che bo kenyisiekab kwenutab 5 ak 13 ko che imukagsei koyan Kristo ko 32%.
Kigorek konyo 4% eng ichek che tinyei kenyisiek che bo 14 ak 18, ak kotebe ko 6% kityo eng sobet ne goi.

5. Tinyei lagok sobet ne goi. Otisiet eng lagok ko konoruet ne bo betusiek che mi tai che bwanei. Bik tugul che bo ng'uny kotononi kolen 6,000,000,000. Eng chuto agenge eng somok ko lagok ago kaniset ne bo betusiek che bwanei eng bororiosiek. Lagwet ne kosig ko kagisor
kotinyei sobet ne goi.

6. Lagok ko kiit ne boisie Jehova kosorune alak. Gorik, koboto sigik ak che osen komuch kesor kobun baornatet ne bo lagwet ne sigunot. Choronok komuch keityi agobo Kristo, kora. Ko kou nito anyun lagok komuch koeg kaberuret eng kaniset ne bo yeto.

7. Lagok kotinyei kiit ne bo kamonut eng atindiot ne bo kaniset. Kimwa Martin Luther kole: Ngot kobo konyo bounatet ne bo Jehovah eng kimnatet konyolu kotaune lagok ko kou noto ko nyolu kinet ichek kong'ete ko ta ko manyurinik,' Charles Spurgeon kosir kole: 'machei lagok logoiywek, logoiywek tugul, logoiywek che makilutan; Nyolu kosich ak ngot  kinet agobo Tamirmirietab Jehovah komukagsei kotaach kou chito ne o ne kikogimit eng kenyisiek che chang.' Dean Stone, ne ki kandoindet ne bo INCM kole 'boisiet (eng) lagok ko tetet ne bo
kamonut ago boisiet  ne bo kaniset--- Boisiet ne kararan ak kotononot eng kaniset ko netaune manyurinik ak kobois kotestai agoi koet.

8. Machei lagok ichek che tinyei konunotiot ne bo Tamirmiriet ne Tilil. Bichoto komuchi konet ak koamdochi lagok. Kigo kur Jehovah ichek ak koyan kogochigei otisiet ne bo lagok. (Rom, 1, 16).

9. Ye kigochigei keyai otisiet ne bo lagok ki torori achek Jehovah. Maget ne o ne bo kristianindet age tugul, ma sikindet anan ko konetindet ne itorori Jehovah kityo. Ye kisor lagok ak kotebi atebet ak koneryo eng Kiptaiyat Jesu, kogochin torornatet inendet! Otisiet ne
bo lagok ko magaat kitorore Jehovah!

Dr. Czeslaw Bassara ( This e-mail address is being protected from spambots. You need JavaScript enabled to view it ; www.proword.eu)

Kisir James N. Spurgeon kole:

Boisiet komitei eng lewenet ng'ung; Otisiet komitei eng kurseetab Kristo. Eng boisiet imong'u itaach; Eng otisiet imong'u igoite. Eng boisiet igoitoi kiy si isich kiy; Eng otisiet iwektoi ne kiga kegonin inyendet. Boisiet kotiegei nautiguk; Otisiet kotiegei bitunateng'ung eng Jehovah. Boisiet ne kagiyai komie kolosun inyendet; Otisiet ne kagiyai komie koibjin kondit Kristo.

Otisionitok ko ne ibjin kondit Kiptaiyandennyo ago ne sorunindet Jesu Kristo!

Imuch isir imuul ak iboisie tuguchutok kinyorjin komaitak tai imwa itiny otisietnyo ne bo Kwanda ak inye kora ko maat iwechawech chuto mitei. Kora ko iitagat imwochi kosiguk anan ko che somani.

Ole inyorjini tuguchutok: www.proword.eu, ne nito ko mwaite ng'oliot! (Boisietab CEF ne ineti agobo Bukuit ne Tilil eng ng'uny komugul).