Is this site a blessing to you?



Results

Czeslaw Bassara

1948 Kigisich inendet eng Brzeszcze ole negite ak Oswiecin (Auschwits) eng Poland kigisikyi gotab kristianik.

1965 Ko kinai Kiptaiyat. Eng kenyinotok ko kitoi boisietab lagok eng Poland.
Kisoman ak koyai boisiet eng Oswiecin agoi 1969.

1969-1974 Ko kisomanji Tiolochi eng  Kristian Tiolochikol Akademi eng Warsaw, Poland.

1972 Kotun Helena. Kosich lagok aeng, Bogdan (Kigisichei 1975) ak Doroti (Kigisichei 1979). Itunisyotin ak tugul koboto murerenikwak (Agnieszka ak Konrad) ko che boto boisietab C. E. F.

1975 Konyor dikrii nenyinet ne bo mastas eng Tiolochi eng Poland.

1976 Kowong somanetab lagok ne bo C. E. F ne bo kandoinated ak konotisiet eng Kilchzimmer, Switzerland.

1969-1990 Kotoi kotet mandaetab boisietab lagok neranik ak konet
konetik ak sigik eng Poland.

1982-1990 Kotounot kanisosiek ak konetisei eng sukulisiekab Bukuit ne
Tilil eng kanisosiek che bo yamdaet.

1991 agoi 2006/2007 Koboto Helena kobois ak ko ne indochin boisietab C. E. F eng emet ne bo kwen ak murot tai eng emetab Kiplelachek. Eng oret age ne ter ko kichuljigei icheget boisietab C. E. F eng emetab Rassia ak kwen ne bo Asia koboto notok koborjin kandoiset kandoik che bo bororiosiek eng emotinwek 30. Kora ki boto tuiyet ne bo Kiplelachek che mondoi kobendi sang. (European Field Council).

2000-2006 Kosomanji Dokta eng somanet ne bo Tiolochi eng Evangelical Theological Faculteit eng Heverleel Leuven eng emetab Belgium. 2006 Konyor PhD neny'inet eng tetetab Tiolochi: Toobenet ole toogundoi eng kasari koboto mwaenyi ak wolunet eng yamdaet!

2008 Kotoi 'Mwaite ng'oliot!' nito ko ne bo C. E. F eng ng'uny komugul boisiet ne ineti agobo Bukuit ne Tilil.

Dokta Czeslaw Bassara ko ng'alali kutitab Kiplelachek, Cherumaniek, Rassiaek, Polishiaek ak Esperontoek. Boisietnnyi ne bo Bukuit ne Tilil ko kikomutat inendet emotinwek che siirei emotinwek 60 eng ng'uny komugul.

Ne bo let anyun, che kitupche, osaiywech, si kobiit kochakta ng'olyotab Kiptaiyat ak kitorori, ko u ole teptoi eng okwek agine. (2 Tes 3, 1)

Kisir James N. Spurgeon kole:

Boisiet komitei eng lewenet ng'ung; Otisiet komitei eng kurseetab Kristo. Eng boisiet imong'u itaach; Eng otisiet imong'u igoite. Eng boisiet igoitoi kiy si isich kiy; Eng otisiet iwektoi ne kiga kegonin inyendet. Boisiet kotiegei nautiguk; Otisiet kotiegei bitunateng'ung eng Jehovah. Boisiet ne kagiyai komie kolosun inyendet; Otisiet ne kagiyai komie koibjin kondit Kristo.

Otisionitok ko ne ibjin kondit Kiptaiyandennyo ago ne sorunindet Jesu Kristo!

Imuch isir imuul ak iboisie tuguchutok kinyorjin komaitak tai imwa itiny otisietnyo ne bo Kwanda ak inye kora ko maat iwechawech chuto mitei. Kora ko iitagat imwochi kosiguk anan ko che somani.

Ole inyorjini tuguchutok: www.proword.eu, ne nito ko mwaite ng'oliot! (Boisietab CEF ne ineti agobo Bukuit ne Tilil eng ng'uny komugul).