Is this site a blessing to you?



Results

Jehovah eng sobetab Abraham

Taunet 12,8

Tegetab kaptisisiosiek

Ye kiger sobetab Abraham kegere kotinyei yamdaet ne negit ak Jehovah. Kitechei Abraham kaptisisiosiek ak kogurtoe kainaikab kamuktaindet. Kit ne kimwawech kityo ko kicham kotechei kaptisisiosiek. Makisomani kele kitechei che bo laitornatosiek, ko u kaborunet. Eng let ne bo sobenyi ko kiagotech kererit ne bo Sara. Ago uitugul ole kiwo ko kitech kaptisisiet, ak kogurtoe koyonie kiit age tugul ne kiyaak eng sobenyi agobo Jehovah. Ye kagobata kaptisisiosiek che kitech Abraham eng let kegere ole kiu atebenyi.

Kilosu Abraham Jehovah. Ki boisienyi ne bo kamanut kotugul eng kaborunet, ko kilos agot eng:

- Ye king'owek eng Misiri (Taunet 13,2-4);
- Kiro ole te emet ne kiga kiarorji (Taunet 13,14-18);
- King'ong'jigei kamuktaindet ak kowal kainenyi Abram ak kogure Abraham (Taunet 17,3-5)
- Kiyai kayomiset ak Abimelek eng Beer- Seba (Taunet 21,33)

Ketech kaptisiosiek ko kima ko kit ne nyamnyum. Kimachei tuguk che kitegsei kou, koik ak tang'wariek che kimale. Ago kasarta ne kiui mising ko ye kitechei kaptisisiet eng tulwetab Moria. Tegetab kaptisisioni ko kima igochi koil rotetab batet kityo kobate muguleldonyi. King'en kole kaptisisioni techei kobo werinyi ne inegei. Eng konyekab Jehovah ko kia kogoito Abraham werinyi. Kima kotoogu meng'it buch. Kigon Jehovah meng'it.

Nautikab Abraham

King'en Abraham Jehovah mising kosir bikchik che kimitei tugul. Kii
Kamuktaindet ne kigang'ong'chigei Abraham agobo imandanyi ne o (Taunet
18,19) kima komi Bukuit Ne Tilil eng betusiechoto. Oret ne kibo naetab
Jehovah ko ki Jehovah inegei. King'ang'chigei Jehovah inegei Abraham.
Ye king'ong'alaldos Jehovah ak Abraham anan kong'alale Abraham agobo
Jehovah, kigure kainaik che isubu.

-ADONAI (KAMUKTAINDET- KONETINDET)-Taunet 15,2

-YAHWEH (KAMUKTAINDET- AMI)- Taunet 15,2

-EL ELYON (KAMUKTAINDET NE TOROR)- Taunet 14,22

-EL SHADDAI (KAMUKTAINDET NE BO KAMUGTAET)- Taunet 17,1

-EL ROI (KAMUKTAINDET, NE KEERO)- Taunet 16,13

-EL OLAM (KAMUKTAINDET, NE BO KOIGENY)- Taunet 21,33

-YAHWEH JIRE (KAMUKTAINDET, NE KONU)- Taunet 22,14

Kima kotinye Abraham Bukuit ne Tilil, ago king'en Jehovah mising kosir ole ing'endoi bik. Oret ole kinaitoi Jehovah kobortoi sobonwekchok. Iboruwo Kamuktaindeng'ung ak aborun ole itebtoi, kora agot ole itebtoi koigeny!

Taunetab naetab Jehovah ko lumeiywot ne ma ityin sobetab kotugul anan otiisiet.

Dr. Czeslaw Bassara ( This e-mail address is being protected from spambots. You need JavaScript enabled to view it ; www.proword.eu)

Kisir James N. Spurgeon kole:

Boisiet komitei eng lewenet ng'ung; Otisiet komitei eng kurseetab Kristo. Eng boisiet imong'u itaach; Eng otisiet imong'u igoite. Eng boisiet igoitoi kiy si isich kiy; Eng otisiet iwektoi ne kiga kegonin inyendet. Boisiet kotiegei nautiguk; Otisiet kotiegei bitunateng'ung eng Jehovah. Boisiet ne kagiyai komie kolosun inyendet; Otisiet ne kagiyai komie koibjin kondit Kristo.

Otisionitok ko ne ibjin kondit Kiptaiyandennyo ago ne sorunindet Jesu Kristo!

Imuch isir imuul ak iboisie tuguchutok kinyorjin komaitak tai imwa itiny otisietnyo ne bo Kwanda ak inye kora ko maat iwechawech chuto mitei. Kora ko iitagat imwochi kosiguk anan ko che somani.

Ole inyorjini tuguchutok: www.proword.eu, ne nito ko mwaite ng'oliot! (Boisietab CEF ne ineti agobo Bukuit ne Tilil eng ng'uny komugul).