Is this site a blessing to you?



Results

Kagasetabgei ye kibaibai

Luka 12,32

Kimanyor Luka kagasetabgei kobendat ak kong'alal ak Jesu kou Matayo, Petero, anan Jakobo. Ine ko ki chepkerichot, ne kigas logoiywek ak koyan kokass it Jehovah ak kosir ole kigasta agobo weritab Jehovah. Ine ko ki torobindet ak kisir logoiywek eng oret ne inegei si kobiit
koguiyo age tugul ne ma Yahudiot.

Amu nee si komwa Jesu kole, "Amoiywe, okwek akwet ne mingin?"
Kiibwa elfusiek kokass, ny'o kebai, anan ny'o kinya. Che ng'ering ichegei che bendi bounatet, noto kimwa kole 'akwet ne mingin:

Tos nyoru Jehova kagasetabgei eng achek ak lagokyok?

Ichek che bo bounatetnyi komang'u inendet.
Baibaitu Jehovah eng kayanenyo. Hebranik 11,6 'Ak ngo mami kayanet ko ma imugaksei kibaibai inendet.' Rom. 8,8: ‘...ak icheget che mi borto kotemene kobaibai Jehovah!’ Ichek che tinyei maget kobaibai Jehovah, komong'u kristo ak kororindo ne mi eng tililindonyi. Ichek che tinyei maget kobaibai Jehovah, kocheng'ei korok bounatetab Jehovah
ak imandanyi tugul. Ichek che tinyei maget kobaibai Jehovah ko chobotin komong inendet.

Ichek che bo bounatenyi kolosu inendet.
Komwa Daudi eng Tienwogikab Kalosunet 69,30-31 ‘Alosu kainetab kamuktaindet eng tiendo, ak amwae kongoi atorori inendet. Ak kobaibai noto Jehovah kosir eito, Anan kirgit ne tinyei kuinoik ak siok!’ Eng oret age, ichek che ibaibai Jehovah ko ichek che iyoni kolos inendet. Kiibwa gotab Baba ak tiendo. Iyani kotien kolosunaikab kamuktaindet. Eng kayanenyo kilosu inendet eng tiendo koyae Kamuktaindet koet kosir sobet age tugul ne o mising kobaibai inendet kosir agot atebosiek ak bitonwek.

Kitien tiendo Jesu kotienji Jehovah kotom kwo inendet kimurtaiyot. Mwae sirutik kole ‘Ak ye kinyo kagotien tiendo komanda koba tulwetab Emitik.’ (Mt. 26,30). Sirat eng Bukuit ne Tilil kole konyil 25 ko kibwa bikab Kamuktaindet nyo kotienji tiendo Kiptaiyat. Eng ichek che tinyei maget kobaibai Kiptaiyat, konyoru Jehovah baibaiyet eng kalosunaikwak.

Ichek che bo bounatennyi koamdoi inendet.
Ng'ot ketinye maget kibaibai  Jehovah, ko magat keamde kristo. Magoi kiamde logoiywek ak kemwachi bik magoi kass (1 Kor. 1,21; Gal. 1,10).

Magetnnyo ko kemwa kou ye kimwa Kristo kole, ‘…amu ayae kotu gul tuguchoto chamaksei eng inendet! (Johana 8,29, Romanik 15,3). Konunotiot ne u nee ye kinai kele kibo kamanut eng inendet, eng noto anyun kobaibai inendet kot koaech keegu meng'ikab bounatetab Kamuktaindet.

Amu baunatetab Jehovah ko ma eng ng'olyot, ago eng kamuget (1 Kor 4,20).
1. Kamuget ne bo konunoik: Konech rani amitwogikyok che bo ra. (Mt. 6,11), beek che soptos (Johana 4,14), kagaigaet ak kamung'et (Mt. 11,28).
2. Kamuget ne bo ribsetnyi: Iyomisi Jehovah malakaisiekyik nyo koribech (Tienwogikab Kalosunet 91,11-13).
3. Kamuget ne bo kayomiset: Konech Jehovah ng'olyondenyi (Tienwogikab Kalosunet 107,20).
Dr. Czeslaw Bassara ( This e-mail address is being protected from spambots. You need JavaScript enabled to view it ; www.proword.eu)

Kisir James N. Spurgeon kole:

Boisiet komitei eng lewenet ng'ung; Otisiet komitei eng kurseetab Kristo. Eng boisiet imong'u itaach; Eng otisiet imong'u igoite. Eng boisiet igoitoi kiy si isich kiy; Eng otisiet iwektoi ne kiga kegonin inyendet. Boisiet kotiegei nautiguk; Otisiet kotiegei bitunateng'ung eng Jehovah. Boisiet ne kagiyai komie kolosun inyendet; Otisiet ne kagiyai komie koibjin kondit Kristo.

Otisionitok ko ne ibjin kondit Kiptaiyandennyo ago ne sorunindet Jesu Kristo!

Imuch isir imuul ak iboisie tuguchutok kinyorjin komaitak tai imwa itiny otisietnyo ne bo Kwanda ak inye kora ko maat iwechawech chuto mitei. Kora ko iitagat imwochi kosiguk anan ko che somani.

Ole inyorjini tuguchutok: www.proword.eu, ne nito ko mwaite ng'oliot! (Boisietab CEF ne ineti agobo Bukuit ne Tilil eng ng'uny komugul).