Is this site a blessing to you?



Results

Kibagach kiy age tugul ak kosub inendet

Luka 5,1-11

Tetet ne bo 1
Chobot Jehovah konetin inyendet!

Ak ye kingota kogiichi tuiyet inendet, ak kogasei ng'olyotab Jehovah, kotonon inendet eng' ngegutab araraita ne bo Genesaret. (Luka 5,1)

Lesonit ne bo 1
Ngot ko a chobot aebchi iit, ko chobot Jehovah koneta!

Tetet ne bo 2
Chobot Jehovah kobarun inyendet kamugetnnyi!

Ak kigeer moinget aeng' che bo beek kotondos eng ngegutab araraita: ago kiga kochorgei ramik koba komwet regereiywekwak che kiname njirenik. Ak kilany moinget age, ne ki bo Simon, kosom kole, konaktae kolooit kitigin eng ngegut. Ak kiteb ng'ony anyun ak konet tuiyosiek komi moinget. Ak ye kingo kagoges ng'alalennyi, kolenji Simon, Ta ikweri moinget kwo ole chang' beek, ak ochoorte regereiywekwok oramisie. Ak kiwol Simon kole, Kiptaiyandani, kogiboisie kem out komugul, ama kinyoru kiy: ago achoortoi regereiywot amu ng'olyondeng'ung: Ak ye kingo kagoyai ko u noto, konam njirenik ng'isiat; kot kotoi kong'etyo regereiywekwak; ak king'wech bik che kiboisiei tugul che kimi moinget age, kole kobwa kotoret. Kobwa anyun, ak konyiit moingonik tuwai, kot kotoi moingonik kosu. (Luka 5,2-7).

Lesonit ne bo 2
Ngot ko a chobot akass iit ko chobot Jehovah koborwa anne kamugetnnyi!

Tetet ne bo 3
Chobot Jehovah koboisienen inyendet!

Ago ye kingogeer Simon Petero, kubutyi kutung'oikab Jesu, ak kole, Istoenage, amu a chi ne bo tengek, ee Kiptaiyandani. Amu kikwong, ak tugul che kimi koboto inendet, agob njirenik che kiga, nam; kikwong'io agichek Jakobo ak Johana, werikab Sebedi, che kiboisiei tugul koboto Simon. Ak kilenji Jesu Simon, Ameiywesie; koboch nguno iegu ne irame bik. Ak ye kingo kagoget moingonikwak kobwa ngegut, kobagakta tugul, ak kosub inendet. (Luka 5,8-11).

Lesonit ne bo 3
Ngot ko a chobot aming'in gei, ko chobot Jehovah koboiseno anne!

Lesonit ne bunu Jehovah
Ngot ko a chobot aebchi iit, ko chobot Jehovah koneta anne!
Ngot ko a chobot akass iit, ko chobot Jehovah koborwa inendet kamugetnnyi!
Ngot ko a chobot kiming'ino, ko chobot Jehovah koboisie anne!


Dr. Czeslaw Bassara ( This e-mail address is being protected from spambots. You need JavaScript enabled to view it ; www.proword.eu)

Kisir James N. Spurgeon kole:

Boisiet komitei eng lewenet ng'ung; Otisiet komitei eng kurseetab Kristo. Eng boisiet imong'u itaach; Eng otisiet imong'u igoite. Eng boisiet igoitoi kiy si isich kiy; Eng otisiet iwektoi ne kiga kegonin inyendet. Boisiet kotiegei nautiguk; Otisiet kotiegei bitunateng'ung eng Jehovah. Boisiet ne kagiyai komie kolosun inyendet; Otisiet ne kagiyai komie koibjin kondit Kristo.

Otisionitok ko ne ibjin kondit Kiptaiyandennyo ago ne sorunindet Jesu Kristo!

Imuch isir imuul ak iboisie tuguchutok kinyorjin komaitak tai imwa itiny otisietnyo ne bo Kwanda ak inye kora ko maat iwechawech chuto mitei. Kora ko iitagat imwochi kosiguk anan ko che somani.

Ole inyorjini tuguchutok: www.proword.eu, ne nito ko mwaite ng'oliot! (Boisietab CEF ne ineti agobo Bukuit ne Tilil eng ng'uny komugul).