Is this site a blessing to you?



Results

Kimache cherseet ne bo Jehovah eng kasarta ne kamechech mugulel

Hebranik 10,23.35 - Machei cherseet bik tugul che bo Jehovah!

1. Kimachei Isak cherseet: 'Aberurin eng emet ne mitei rubet!

Ak kimong'ji Jehovah inendet, ak kolenji, Amerekte iwe Misri; tebe emet ne ta aborun; egu toondet eng' emoni, ami koboten, ak aberurin; amu agonin inye, koboto lagoguk, emotinwechuto tugul, ak agi mit kayosiet, ne kiayosiechi kwandang'ung' Abraham; (Taunet 26,2-3).

(Taunet 26,12-13).

Ak ye kingony'or Isak rerunaikab amitwogik eng emenoto kimenyei kolenji Kamuktaindet inendet matkwo Misiri ago kotebe emet ne kimitei inendet. Kiyomis Kamuktaindet Isak kolenji iberuri inendet emonito mitei. Ak kiiberur Kamuktaindet Isak agot ye kingogolso eng emonito, konyor kesutik konyil bogol. Kitestai Isak kogolso ak kieet berurtannyi kot kochang'it agoi koeet eng mogornatet.

Agot kou notok koberurech Jovah eng komoswe che kinyorjini, rerunaik ak ngwaninwek. Ak kamuisiosiek.

Kigonech Jehovah koyomiset kole iborwech kimnat ak kamugetnnyi ne kata ache, ak koberurech achek eng ole klnyorjini rerunaik ak kamuisiosiek.

2. Rael: '...ak kiibwat Kamuktaindet Rael!'

Ak kiibwau Kamuktaindet Rael, ak kigas Kiptaiyat inendet, ak kiitiach moennyi. (Taunet 30,22).

Ki chi ne son Rael eng betusiek che chang ak kotoogu ko u yo kigoutie Kamuktaindet inendet. Kisichei chun lagok korubugei. Kitoogu ko u yo kigometo Kamuktaindet Rael kot magoberuri inendet. Ng'uno kotoogu  ko u yo kigoutie Kamuktaindet inendet, mwae sirutik kole 'kiibwat
Kamuktaindet Rael!' kitomo koutie Rael! Kiibwat Kamuktaindet inendet ak kogass rirekyik, kiistoji inendet chotisiet ak kogachi werit. Kigure lagwanato Josep. Lagwanito bo Rael kigure Josep ko kigikanabta inendet kwo barak kosir lagok. Kitinyei Joseph betusiek che bo labkeiyet che kimitei tai ak kiwo kot kieet koeg bounindet ne o eng Misri. Ng'a kigenis Rael betusiek che chang si konyoru kaberuret, king'onyor ko kima ko u chebo butut kotugul, kiroron kosir alak tugul.

Eng sobonnyo ne bo kotugul ko ng'ab kotoogu ko u yo kigo utienech Kamuktaindet ago age tugul konyoru kaberuret agoi kaberuret age. Kamuktaindet ne kiibwat Rael kobo iman inendet kobwatech ak kogonech kaberuraik, che tun bo kamanut ak konyolu chuto nyoljin kagaet.

Mat kegany komechech mugulel ago ongeker ago kegere ak kebendi tai eng kamang'unet ak nyiganatet ketokjinigei kaberuraik choto bo kamanut che kigochobwech achek Jehovah.

3. Jakobo: 'Amu kaager choto tugul che yaun Laban.'

...Amu kaager choto tugul che yaun Laban. (Taunet 31,12).

Taunet 31,12.6.7.41

Ye kingo kakonyor Jakobo nyalilwogik che chang kobun Laban eng kenyisiek Tiptem, kolenji Jehovah ketitegei ui emetab kwanisiekjik. Kilenji Jakobo 'amu kaager choto tugul che yaun Laban! Kitiach Kiptaiyat Jakobo eng Laban. Nga nda kia konyalil ak kongal Laban, Jakobo kenyisiek che chang ko melen kima kongen Kiptaiyat. Kigeerei Jehovah tugul che kikiyochin ak usisosiek che kinyoru Jakobo ak kingoit kasarta kotiach Jehovah inendet.

Ingen Jehovah ng'woninwek tugul eng sobennyo ak beekab kong tugul che kinyoru. Mat kegany komeech mugulel kibwati kele mengen Jehovah ny'alilwogik tugul che kinyoru.

Ingen Jehovah bichiinwek ak nyalilwogik che kinyoru ago chobei inendet oret ne kibune ak kotiachech achek eng eunekab kanyolilik ak kiptengiginik.

4. Elija: 'amu o mising banda eng inye!'

Ago kiwa ong'atet inendet, bandab betut agenge, ak kiit ole mi ketikab junipa, ak kotebi ng'ony eng ketoto kel: ak kisom kole kome; ak kile, kogoyam; ara anyun, ee Jehovah, ib sobondanyu nguno; ma a mie ane asiir kwanisiekyuk.
Ak kinyo malakaiyatab Jehovah kogeny ne bo aeng', ak kotwa inendet, ak kolenji, Ng'eet, amisie; amu o mising' banda eng inye.' (1 Laitorinik 19,4.7).

1 Laitorinik 19,1-7,15-16; 2 Laitorinik 2,1.11.

Ye kingo mi sobetab Elija ole ngwan kobun Jesebel, ko kiimak mugulel ak kosa kole kome. Kilenji Jehovah 'kigoyam, ara anyun, ee Jehovah, ib sobennyu! Kigasei kole kaikai kome kosir kosob. Kimata kogerei amu nee eng sobennyi. Ma iiro kole kitakotinyei Jehovah boisiet ne ta koyae. Kiyokto Jehovah malakaiyannyi nyo kogimit inendet. Kimwoji kolenji o mising banda eng inendet ne ta kowendi. Kitagomi boisionik che bo kamanut che kimakjin Jehovah koyai ak kosuldae. Ki nyolu koiil Laitorinik che bo bororiosiek aeng ak koiil Elisha ne igeeri inendet. Agot kou noto ko ki tetetab Jehovah kole mairo meet Elija ago keganabta inendet barak kosobei kwo kipsengwet kobunei mbartanyisiek che bo mat. Elija eng kasartannyi ko kimeaat mugulel ago kima iguiyo kole tinyei Jehovah tetet ne kararan agobo sobennyi. Ago kisa kole keib sobondonnyi. Kicheer Jehovah ak kotoret inendet kosuldae kamanutikab sobennyi ak boisionik.

Eng sobennyo ne bo betut kotugul ye kamechech mugulel kusubgei ak milutik che nyigisen ago kisae kele koistech Jehovah ak kemwae kele kigoyamech che bo ng'unduni. Makimuchi kegeer kele taketinye banda ne koi ne ta komachech Jehovah eng boisionik che ta konyaljinech keyai.

Chereech Jehovah kole ketestai ak kiwong'u boisionik tugul che kigotabanwech achek kesuldae eng baunatennyi.

Dr. Czeslaw Bassara ( This e-mail address is being protected from spambots. You need JavaScript enabled to view it ; www.proword.eu)

Kisir James N. Spurgeon kole:

Boisiet komitei eng lewenet ng'ung; Otisiet komitei eng kurseetab Kristo. Eng boisiet imong'u itaach; Eng otisiet imong'u igoite. Eng boisiet igoitoi kiy si isich kiy; Eng otisiet iwektoi ne kiga kegonin inyendet. Boisiet kotiegei nautiguk; Otisiet kotiegei bitunateng'ung eng Jehovah. Boisiet ne kagiyai komie kolosun inyendet; Otisiet ne kagiyai komie koibjin kondit Kristo.

Otisionitok ko ne ibjin kondit Kiptaiyandennyo ago ne sorunindet Jesu Kristo!

Imuch isir imuul ak iboisie tuguchutok kinyorjin komaitak tai imwa itiny otisietnyo ne bo Kwanda ak inye kora ko maat iwechawech chuto mitei. Kora ko iitagat imwochi kosiguk anan ko che somani.

Ole inyorjini tuguchutok: www.proword.eu, ne nito ko mwaite ng'oliot! (Boisietab CEF ne ineti agobo Bukuit ne Tilil eng ng'uny komugul).