Is this site a blessing to you?



Results

Kisoruech si keboisie!

Ngo boisiewo chi age tugul, ko nyolu kosuboto; ak si ole ami, komi oloto agile kiboitiondenyu: ngo boisiewo chi, koteechei inendet kwanda. (Johana 12:26)

Kiboitinik kosuboti kiptaiyat: Ngo boisiewo chi age tugul, ko nyolu kosubwo…

Mwae kiptaiyat Jesu komie kole kiboitinik kosubi kiptaiyat! Ma kiboitiot ne mwachin kiptaiyandenyi kit ne kanyol koyai. Ngisub kristo kondoiywech Tamirmirienyi: ngelewen eng kaguiyenyi, kemengisiei eng inendet; keyae kou ole makwech keyai.

Kiboitinik eng arorutiet ne leel komwae eng kutitab Grik doulos (otwogik). Ngab ngoliot age kegure diakonos (dikon anan kiboitiot). Bo iman nito, amu doulos ak diakonos ko kergei. ngalechuto tuwai komwaei agobo chito, ne mami eng esioetabgei, ago alietab kiptaiyandennyi ak namet. Kigialech si keoot kiptaiyat ak magutikchik.

Nee boisiet ne kangatji kiptaiyat Jesu kiboitinikchik koyai? Ole nyolundoi keoot inendet, mwachin ichek, koeg otwogik che bokiboitinik chun alak ak koeg che chobotin koyai kiy age tugul. ngo ne bo aliet anan ko che matoogu, si kobit kotoret ichek.

Kiboitinik kenyorjin ole boisie Jesu ...ak ole ami, komi oloto agile kiboitiondenyu.

Boisie Baba agoi kora, ak aboisiei agine. (Johana 5,17) Amu ki boisiennyi achek, ne kigiyaech eng Kristo Jesu agobo boisionik che miachen, che kisib kochob Jehovah si kebendate ichek. (Ep 2,10)

Boisiei Jehovah eng ng'onduni kimi! Kimuchi keyai kiy age tukul koboto inendet ne yaei. Boisiet ko ma bo amdoik anan ko chi age tugul ne kigosomanji Bukuit ne Tilil. Ngot kigen anan ketiegei ichek kweanet keyaei ne matia.

Kiboitinik kotegisi Jehovah …ng boisewo chi, kotegisi inendet kwanda.

Ngot keot kiptaiyat eng kagasetabgei, boiboiyet ak maget ne o tun koteegisech Jehovah. Mamitei teegis ne bo ngunduni ne ibeligei ak nito, Ichek che boisiei ko tun koteegisi Jehovah.

Tienindet ne o ne bo chepkesemit, Paganini konamat chepkesemitnyi eng nganasetab Genoa kongatei kole matata keurerene. Tuguk che kigichobe kiito kou ketik, koterteren kityo, ago nginde taban, kotoi konunio. Chepkesemit nito chomei Paganini ko kigoam-toik ak makotoreti kiy kigoek karatia. Kristianin ne eesioi kobois ko koma loo kobuti agoeku buch nautikyik.

Kiboitinik kosubi kiptaiyat!
Kiboitinik kenyorjin ole boisie Jesu!
Kiboitinik ko tun koteegisi Jehovah!


Dr. Czeslaw Bassara ( This e-mail address is being protected from spambots. You need JavaScript enabled to view it ; www.proword.eu)

Kisir James N. Spurgeon kole:

Boisiet komitei eng lewenet ng'ung; Otisiet komitei eng kurseetab Kristo. Eng boisiet imong'u itaach; Eng otisiet imong'u igoite. Eng boisiet igoitoi kiy si isich kiy; Eng otisiet iwektoi ne kiga kegonin inyendet. Boisiet kotiegei nautiguk; Otisiet kotiegei bitunateng'ung eng Jehovah. Boisiet ne kagiyai komie kolosun inyendet; Otisiet ne kagiyai komie koibjin kondit Kristo.

Otisionitok ko ne ibjin kondit Kiptaiyandennyo ago ne sorunindet Jesu Kristo!

Imuch isir imuul ak iboisie tuguchutok kinyorjin komaitak tai imwa itiny otisietnyo ne bo Kwanda ak inye kora ko maat iwechawech chuto mitei. Kora ko iitagat imwochi kosiguk anan ko che somani.

Ole inyorjini tuguchutok: www.proword.eu, ne nito ko mwaite ng'oliot! (Boisietab CEF ne ineti agobo Bukuit ne Tilil eng ng'uny komugul).