Is this site a blessing to you?



Results

Tos nee ng’oliotab Jehovah eng’ anne?

Nam itondab ng'alek che bo iman che kiigasena, eng' kayanet ak chamnyet ne mitei eng' Kristo Jesu. (2 Timoteo 1, 13).

1. Itondab ng'alek che bo iman
Mwaat nito kilen 'Itondo' eng 2 Tim. 1, 13 komwae kole 'keyai eng musaknatet.' Kong'ete kanisosiek che ki bo tai ko kimitei tetet ne bo kayanosiek. Kiga kiingat ketiem konetisiosiek tugul. Kikiger Kong Timoteo mat kowal tetanito bo konetisiet. Ngot koyai, koma sichei kiy ne tiemei konetik che keboisiechin. Achek che kimi eng kenyisiechu bo karnetab 21 konyaljinech kerib anyun noto kinetisie Paulo ne kiyoktoi eng kenyitab karnet ne tai. Eng kaniset ne kibo tai, ko kimi ng'omnatet ne kigure antimianism ne kiyom ole loo. Kiimwae kole 'ma kimi eng ng'atutiet' mwaanito kotomo kobet betusiechu. Mitei alage, che iitjingei kole kimi eng miendo- ma ng'atutiet. Mwaat kele eng Arorutieu ne Leel ko kayumanikab 'baronokab chamnyet,' ago ma eng nwagindo. Alak koesio nito kigure 'itondab sirutik.' Tos ma ng'oliondonito mwaat kele 'itondab ng'alek che bo iman' kobaruech kole mitei ng'atutiet (ker: 1 Kor. 9, 21; Gal. 6,2). Ne kisabtosi eng nito?

2. Nam anyun noto kigegonin!
Eng kenyisiek che chang ko boisietab Kamuktaindet koyai bik che kigotononio komie eng betusiekab tiemutik. Kiita ny'amny'um eng ichek konyol. Ago kitononi komie. Ne kiyoktoi Paulo ko agenge eng che ma inyol. Ago ye kingowendi kogesunoti sobenyi kobwat kogochi cherseet tubchennyi ne ming'in eng Kristo, Timoteo, Eng 1 Tim. 1, 11 kesomani kele kiigochi Jehovah Paulo konoruet eng imanitab Tamirmiriet, ak noto kikagoyabji Timoteo (1 Tim. 6, 20). Kusubgei ak 2 Tim. 1, 13 ko kieg boisietab Timoteo ko 'Nam korog' ak 'irib' noto Mie imanda ne kigigonin, ak iyochi choto bik che imani (1 Tim. 2,2).

3. Tuguk che kiigasena
Kiyani kele Tamirmiriet ne Tilil ko Tamirmiriet ne bo imanda. Kiigochi imanit Timoteo. Kitinye Tamirmiriet agenge ak imanit agenge ne bunu inendet. Ma kiyoni eng tamirmirik aeng. Kora ko ma kiyoni eng imanisiek aeng anan ko che chang. Kiibwat Jehovah koyokwech
Tamirmiriet ne Tilil nyokonetech imanda. Nda ma boisietab Tamirmiriet, ta kimitei mesundeito. Nda ma inendet ta magimuchi kenai ng'oliotab Jehovah. Magaat kemitei kanetisiosiekyik kotugul (Johana 16, 13). Imuktawech kerib imanit ak kebaorianji alak.

4. Kayanet ak Chamnyet
Mie kenai kora kele konetisiosiekab Timoteo ko kigi koitoi eng 'kayanet ak Chamnyet.' ki kanyol komwa imanit eng imanit ak chamnyet, amu nito ko itondab Jehovah. Magoi mwa Jehovah imanit ama mi chamnyet. Ep. 4, 15 komwae kole 'ago king'alali che bo iman eng chamnyet' nyamnyum ne tia kiwelelech eng magenyo ye kiribei kayanet. Nyamnyum ne
tia keeg ne cheng'oti bondit ne kato kibortoi imanda, konu konetisiosiek eng ung'ot che bo imanit ak kochobei kaimutik. Konetisiet ne bo imanda eng nwagindo ne kiityinech imanda eng kayanet ak sobetab kristianindet ko: 'Kayanet koyaech keegu kiptainik ago eng chamnyet koyaech keegu kiboitinik. Kotugul kayanet konyolu ketokji kegeere Kiptaiyat Jesu Kristo; tomo koeg, (eng ne bo iman), kayanet eng kanisa, anan ko oret age ne bo mieindo.

5. Eng Kristo Jesu
Taunetab kaberuraik tugul che bunu kipsenwet kenyoru eng Kristo inegei. Kayanet ko kiit ne bo sobondo ne sobei ne ituitos ak konyalu kosorwech ak kotuiyeech ak sorunindet, Jesu Kristo. Ko u: 'ak kenyorua eng inendet, ko matinyei imandanyu, noto ne bo Ng'atutiet, ago noto ne bunu kayanet eng Kristo, imanda ne bo Jehovah eng kayanet.' (Pil 3, 9)

Dr. Czeslaw Bassara ( This e-mail address is being protected from spambots. You need JavaScript enabled to view it ; www.proword.eu)

Kisir James N. Spurgeon kole:

Boisiet komitei eng lewenet ng'ung; Otisiet komitei eng kurseetab Kristo. Eng boisiet imong'u itaach; Eng otisiet imong'u igoite. Eng boisiet igoitoi kiy si isich kiy; Eng otisiet iwektoi ne kiga kegonin inyendet. Boisiet kotiegei nautiguk; Otisiet kotiegei bitunateng'ung eng Jehovah. Boisiet ne kagiyai komie kolosun inyendet; Otisiet ne kagiyai komie koibjin kondit Kristo.

Otisionitok ko ne ibjin kondit Kiptaiyandennyo ago ne sorunindet Jesu Kristo!

Imuch isir imuul ak iboisie tuguchutok kinyorjin komaitak tai imwa itiny otisietnyo ne bo Kwanda ak inye kora ko maat iwechawech chuto mitei. Kora ko iitagat imwochi kosiguk anan ko che somani.

Ole inyorjini tuguchutok: www.proword.eu, ne nito ko mwaite ng'oliot! (Boisietab CEF ne ineti agobo Bukuit ne Tilil eng ng'uny komugul).